မြန်မာသစ်များ ထိုင်းသစ်တောကဖမ်းဆီး
Kaowao
မေ ၂၂၊ ၂၀၀၉။
စံခလပူရီ(မေ-၂၂)။ ။ ထိုင်းနိုင်ငံသို့ ခိုးဝင်လာသော မြန်မာသစ်များ တင်ဆောင်လာသည့် ဆယ်ဘီးကား ၁၅ စီးခန့်ကို ထိုင်းမြန်မာနယ်စပ် ထိုင်းနယ်မြေ ဘုရားသုံးဆူရွာတွင် ထိုင်းသစ်တောဌာနမှ ယမန်နေ့စောစောပိုင်း၌ ဖမ်းဆီးလိုက်သည်ဟု ဒေသခံများ ပြောပြသည်။
အဖိုးတန် ကျွန်း၊ ပျဉ်းကတိုးသစ်များဖြစ်ပြီး ပါကေးအချောထည်များ၊ သစ်ခွဲသားများပါဝင်သည်ဟုဆိုသည်။ သို့သော်
ခန့်မှန်းတန်ချိန်နှင့် တန်ဖိုးကို မတွက်ဆနိုင်ပေ။
အဆိုပါသစ်ကားတန်းသည် ဘုရားသုံးဆူမြို့ မြန်မာဘက်ခြမ်းမှ သစ်များသယ်ဆောင်လာပြီး ဘုရားသုံးဆူမြို့ခေတ္တ အခြေစိုက် ခလရ ၃၂ တပ်ရင်းမှူး ဒုတိယဗိုလ်မှူးကြီး ဇော်ခင်၏ အမိန့်ဖြင့် ပိတ်ထားသော နှစ်နိုင်ငံနယ်ခြားဂိတ်ကို သစ်ကားများဖြတ်ရန် မြန်မာအရာရှိတို့ ခေတ္တဖွင့်လှစ်ခဲ့သည်။
ဤကဲ့သို့ အဖိုးတန်သစ်များ တစ်ဖက်နိုင်ငံသို့ တရားဝင်လို ရောင်းချလိုက်ခြင်းအပေါ် ဘုရားသုံးဆူမြို့ လက်ရှိ တပ်ရင်းမှူး နှင့်အခြားအရာရှိများ လာဘ်ငွေမည်မျှရရှိခဲ့၍ ဂိတ်ကိုဖွင့်လိုက်သည်ကို မသိရှိနိုင်ပေ။
အဆိုပါနယ်ခြားဂိတ်သည် နှစ်နိုင်ငံအစိုးရတို့ တရားဝင်ကုန်သွယ်ဂိတ်အဖြင့် မသတ်မှတ်ခဲ့သော်လည်း နှစ်နိုင်ငံ ဒေသအာဏာပိုင်များက ဂိတ်တစ်ခုအဖြင့်တရားဝင်ကဲ့သို့ ထားရှိခဲ့ရာ အပြန်အလှန်ကူးလူးဆက်ဆံခဲ့ကြရာမှ ၂၀၀၇ နှစ်စပိုင်းလောက်တွင် နေပြည်တော်အမိန့်ဖြင့် မြန်မာတို့ကဂိတ်ကို တစ်ဖက်သတ် ယခုတိုင် ပိတ်ထားဆဲ ဖြစ်သည်။
ဘုရားသုံးဆူနယ်စပ်သည် နယ်ခြားနယ်နိမိတ်မျဉ်းနှင့် စည်းရိုးအရံအတားများမရှိ၊ မြစ်ချောင်းများလည်းမရှိ၊ နှစ်နိုင်ငံမှာ မြေသားတစ်ဆက်စပ်တည်း တည်ရှိနေသဖြင့် အစောင့်အကြပ်မရှိသည့် အခြားလမ်းသွယ်များမှလည်း အလွယ်တကူဝင်ရောက် သွားလာနိုင်သည်။
ဘုရားသုံးဆူမြို့သစ်ကုန်သည်များ အဆိုအရ အဆိုပါသစ်ပိုင်ရှင်မှာ မြန်မာစစ်တပ်ဖွဲ့တို့နှင့်ပေါင်း၍ ထိုင်းမြန်မာ နယ်စပ်တလျောက်တွင် သစ်ခိုးထုတ်နေသူ နာမည်ကြီးထိုင်းသူဌေးတစ်ဦးဖြစ်ပြီး ထိုင်းဝန်ကြီးချုပ်ဟောင်း မစ္စတာ သက်ဆင်နှင့် ပတ်သက်နေသူတစ်ဦးဖြစ်သဖြင့် လက်ရှိထိုင်းအာဏာပိုင်များက အဆိုပါသစ်တို့ကို ဖမ်းဆီးလိုက် သည်ဟု ထင်ကြေးပေးကြသည်။
အတည်မပြုနိုင်သေးသည့် သတင်းတစ်ရပ်မှာ ဘုရားသုံးဆူအခြေစိုက် မြန်မာအထူးစုံစမ်းရေးတပ်ဖွဲ့မှ ယခုခိုးထုတ် ခဲ့သည့် သစ်ကိစ္စကို နေပြည်တော်သို့ အကြောင်းကြားခဲ့ရာ မြန်မာစစ်အစိုးရက ထိုင်းအစိုးရထံတိုင်ကြားခဲ့သဖြင့် ထိုင်းတို့က အဖမ်းအဆီးပြလိုက်သည်ဟု ဆိုသည်။
ထိုင်းနိုင်ငံဥပဒေတွင် ထိုင်းနိုင်ငံတွင်း သစ်များလုံးဝခုတ်လှဲခွင့်မရှိသဖြင့် မြန်မာသစ်များကို ရသည့်နည်းဖြင့် ဝယ်ယူ နေကြရသည်။
ထိုင်းတို့ အဆိုပါသစ်များ ဖမ်းဆီးလိုက်ခြင်းအပေါ် ဘုရားသုံးဆူမြို့အာဏာပိုင်များ တစ်စုံတစ်ရာ ပြောဆိုသံများ မကြားခဲ့ရသော်လည်း နှစ်နိုင်ငံဂိတ်ပေါက်ဝ တစ်ဝိုက်တွင်မြန်မာစစ်သားများ ပိုမို၍ အများအပြားတိုးမြှင့် ချထား လိုက်ကြောင်း မျက်မြင်များအဆိုအရ သိရသည်။ ထိုင်းတို့ကမူ ပုံမှန်အနေအထားအတိုင်းရှိနေပြီး တစ်စုံတစ်ရာ ထူးခြားမှုမရှိပါ။
Friday, May 22, 2009
နအဖ စစ်တပ်က သူခိုး၊ မုဒိန်းကောင်၊ ဒါးမြ နဲ့ မကောင်းမှု့မျိုးစုံလုပ်တဲ့သူ အများဆုံး စုထားတဲ့ အဖွဲ့ ကြီးပါဗျာ အခုလဲ ဖတ်ကြည့်လိုက်ပါအုံး
Subscribe to:
Post Comments (Atom)
No comments:
Post a Comment