ဒေါ်အောင်ဆန်းစုကြည်ကို လွှတ်မှ ပြန်လည်သင့်မြတ်ရေးကို လှမ်းနိုင်မည်
29 May 2009
အာဆီယံနဲ့ ဥရောပနိုင်ငံတွေကလည်း မြန်မာနိုင်ငံရေး ပြုပြင်ပြောင်းလဲရေးအတွက်ဒေါ်အောင်ဆန်းစုကြည်နဲ့ နိုင်ငံရေးအကျဉ်းသားတွေ လွတ်မြောက်ရေးဟာ ပထမဦးဆုံးအဆင့် ဖြစ်တယ်လို့ ပူးတွဲထုတ်ပြန်ချက်တစောင် ထုတ်ပြန်ခဲ့ပါတယ်။ အပြည့်အစုံကိုကိုသားညွန့်ဦး က တင်ပြပေးထားပါတယ်။
မြန်မာစစ်အစိုးရက ကြေညာထားတဲ့ လာမယ့်နှစ် ရွေးကောက်ပွဲဟာ လွတ်လပ်ပြီးမျှတဖို့ဆိုရင်တော့ နိုင်ငံရေးအစုအဖွဲ့အားလုံးဒီရွေး ကောက်ပွဲမှာ ပါဝင်လာနိုင်ရေးနိုင်ငံရေးအကျဉ်းသားအားလုံးကို လွှတ်ပေးရမယ်ဆိုပြီးတော့ အီးယူ-အာဆီယံနိုင်ငံခြားရေးဝန်ကြီးတွေ က မနေ့က မေလ ၂၈ ရက်နေ့မှာ မြန်မာစစ်အစိုးရကိုတောင်းဆိုလိုက်ကြတာပါ။
ကမ္ဘောဒီးယားနိုင်ငံမှာလုပ်တဲ့ အာဆီယံ-အီးယူ ပူးတွဲအစည်းအဝေးမှာလည်း တနေ့ကဖနွမ်းပင်မှာလုပ်ခဲ့တဲ့ ASEM လိုပဲ မြန်မာနိုင်ငံ အရေးကိစ္စဟာ အတော်လေး နေရာယူခဲ့ပါတယ်။ ဒီအစည်းအဝေးမှာ သဘာပတိတဦး လုပ်ခဲ့တဲ့ ချက်နိုင်ငံ နိုင်ငံခြားရေးဝန်ကြီး
ယန်း ကိုဟော့တ် (Jan Kohout) က အီးယူ-အာဆီယံ နိုင်ငံခြားရေးဝန်ကြီးတွေရဲ့သဘောထားကို အခုလိုပြောသွားပါတယ်။
“ဒေါ်အောင်ဆန်းစုကြည်နဲ့ နိုင်ငံရေးအကျဉ်းသားတွေကို လွှတ်ပေးဖို့ဟာ အမျိုးသားပြန်လည်သင့်မြတ်ရေးအတွက် ပထမအဆင့်ပါ။ ဒီမိုကရေစီ တည်ဆောက်ရေးနဲ့ဒီမိုကရေစီ အစိုးရတရပ် ပေါ်ပေါက်ရေး လွတ်လပ်ပြီး တရားမျှတတဲ့ ရွေးကောက်ပွဲကျင်းပဖို့အတွက် လည်း ပထမအဆင့်ပါ။”
အစည်းအဝေးကို တက်လာတဲ့ မြန်မာစစ်အစိုးရ ဒုတိယနိုင်ငံခြားရေးဝန်ကြီးးမောင်မြင့်ကတော့ ဒေါ်အောင်ဆန်းစုကြည်ရဲ့ အမှုကိစ္စဟာ မြန်မာပြည်တွင်း ဥပဒေရေးရာကိစ္စပဲ ဖြစ်တယ်လို့ အီးယူနဲ့ အာဆီယံဝန်ကြီးတွေကို ရှင်းပြခဲ့ပါတယ်။ ဒုတိယ၀န်ကြီး ဦးမောင်မြင့်ဟာ အစည်းအဝေးအပြီးလုပ်တဲ့ သတင်းစာရှင်းလင်းပွဲကိုလည်းတက်ရောက်လာခြင်း မရှိပါဘူး။
ဒေါ်အောင်ဆန်းစုကြည်နဲ့ နိုင်ငံရေးအကျဉ်းသားတွေ လွှတ်ပေးဖို့ တောင်းဆိုထားတဲ့အီးယူ-အာဆီယံ ပူးတွဲကြေညာချက်ကို မြန်မာဘက်က လက်မှတ်ထိုးမထိုးဆိုတဲ့မေးခွန်းတွေ ဖြေဖို့ကိုလည်း ထိုင်းနိုင်ငံခြားရေးဝန်ကြီး ကဆစ် (Kasit Piromya) ကပယ်ချခဲ့ပါတယ်။
မြန်မာအစိုးရကတော့ အခုကိစ္စမှာ မြန်မာနိုင်ငံ ပြည်တွင်းရေးပဲဖြစ်တယ်ဆိုပြီး တုံ့ပြန်သဘောထား ပေးထားပါတယ်။ ဒေါ်အောင်ဆန်း စုကြည်ကိစ္စနဲ့ပဲ ပြီးခဲ့တဲ့ အာဆီယံအလှည့်ကျဥက္ကဋ္ဌ ထိုင်းနိုင်ငံရဲ့ ကြေညာချက်ကို မြန်မာစစ်အစိုးရက ပယ်ချပြီး ဒါဟာအာဆီယံ ပဋိညာဉ်နဲ့ မအပ်စပ်ဘူးဆိုပြီး ပြောခဲ့ပါတယ်။ ဒီကြေညာချက်ဟာ ထိုင်းနိုင်ငံတနိုင်ငံတည်းရဲ့ သဘောထားလိုလို ပြောခဲ့ပေမယ့် နောက်ပိုင်းမှာတော့ အာဆီယံအတွင်းရေးမှူးချုပ်ကိုယ်တိုင်က ဒါဟာ အာဆီယံတခုလုံးရဲ့ သဘောထားကို ထင်ဟပ်စေတယ်လို့ လည်း ပြောခဲ့ပါတယ်။ http://www.voanews.com/burmese/2009-05-29-voa2.cfm?CFID=218176600&CFTOKEN=61773700&jsessionid=883030e81e7c7ceaf5c4491e176c6e394b4f
Friday, May 29, 2009
ဘယ်သူပြောပြော မရှက်တဲ့ နအဖ..
Subscribe to:
Post Comments (Atom)
No comments:
Post a Comment