ပြီးခဲ့သည့် မေ (၂၄) ရက် နံနက် (၄) နာရီခန့်တွင် နေပြည်တော်ဘူတာစင်္ကြံ (၁) ၌ ရပ်ထားသော နေပြည်တော်-ရန်ကုန် အမှတ် (၃၂) အစုန်ရထား အထက်တန်းတွဲအမှတ် (၅) အိမ်သာခေါင်မိုးပေါ်တွင် ချိန်ကိုက်မိုင်းတလုံး တွေ့ရှိခဲ့ကြောင်း နအဖစစ်အစိုးရထုတ် သတင်းစာများတွင် ယနေ့ဖော်ပြသည်။
နအဖစစ်အစိုးရက အကြမ်းဖက်သောင်းကျန်းသူများက နေပြည်တော်၊ ရန်ကုန်၊ မန္တလေး စသည့် မြို့ကြီးများတွင်
ဖောက်ခွဲဖျက်ဆီးမှုများ ပြုလုပ်သွားမည်ဟု သတင်းများရရှိထားသည်ဟု ဆိုသည်။
ထိုကဲ့သို့ အကြမ်းဖက်လုပ်ရပ်များကို ABSDF က ပြည်သူ့တိုက်ပွဲမြှင့်တင်ရေး ကော်မတီဖွဲ့စည်း၍ လုပ်ဆောင် သွားလိမ့်မည်ဟုလည်း သတင်းတွင် စွပ်စွဲထားသည်။
အဆိုပါကိစ္စနှင့်ပတ်သက်၍ မြန်မာနိုင်ငံလုံးဆိုင်ရာ ကျောင်းသားများဒီမိုကရက်တစ်တပ်ဦး (ABSDF) ဥက္ကဋ္ဌ ကိုသံခဲက “ဒီနအဖသတင်းစာမှာပါတဲ့ စွပ်စွဲချက်တွေကို ABSDF အနေနဲ့ လုံးဝကန့်ကွက်ပါတယ်။ ဒါဟာ နအဖရဲ့ တဖက်သတ်စွပ်စွဲချက်တွေပဲ ဖြစ်ပါတယ်။ အခုလို အများပြည်သူ ထိခိုက်အောင် ကြံစည်လုပ်ဆောင်နေတယ်ဆိုတာ လုံးဝ မဟုတ်ပါဘူး” ဟု တုံ့ပြန်ပြောဆိုသည်။
နအဖ သတင်းပါ အကြမ်းဖက်လုပ်ရပ် လုပ်ဆောင်မည့်နေရာများကို ဖော်ပြရာတွင် ဒေါ်အောင်ဆန်းစုကြည်အမှုကို အင်းစိန်ထောင်အနီးအနားမှ လာရောက်စောင့်ဆိုင်း ဆန္ဒဖော်ထုတ်ရာ အင်းစိန်ဈေးတ၀ိုက်နှင့်အခြားလူစည်ကားရာ နေရာများဟု ပါရှိသည်။ ယင်းလုပ်ရပ်များ လုပ်ဆောင်ရန် ABSDF မှ လူနှစ်ဦးလွှတ်ထားသည်ဟုလည်း နအဖက စွပ်စွဲထားသည်။
“ခုချိန်ဟာ ဒေါ်အောင်ဆန်းစုကြည် လွတ်မြောက်ရေးအတွက် ကျောင်းသားပြည်သူအကြားမှာ လှုပ်ရှားမှုတွေ အရှိန်မြင့်တက်နေချိန်ဖြစ်တယ်။ အထူးသဖြင့် အင်းစိန်ပတ်ဝန်းကျင်ဖြစ်သလို မြို့ကြီးတော်တော်များများမှာလည်း လှုပ်ရှားမှုတွေဟာ တနေ့တခြား များပြားလာနေပါတယ်။ အဲလိုအခြေအနေတွေ ရှိနေတော့ လှုပ်ရှားမှုတွေ လုပ်နေတဲ့ အများပြည်သူ အထိတ်တလန့်ဖြစ်အောင် နအဖက ကြံစည်ဖန်တီးနေတာပါ” ဟု ကိုသံခဲက ပြောသည်။
ဒေါ်အောင်ဆန်းစုကြည်အပေါ် မတရားအမှုဆင်စွဲဆိုနေမှုကို မရပ်ဆိုင်းဘဲ ယခုထက်ပို၍ ဥပဒေမဲ့ မတရားပြုကျင့် လာပါက ပြည်သူလူထု၏ လှုပ်ရှားမှုများသည် ယခုထက်ပို၍ အရှိန်မြင့်တက်လာမည်ဟုလည်း ABSDF ဥက္ကဋ္ဌ ကိုသံခဲက သုံးသပ်ပြောဆိုသည်။
Monday, May 25, 2009
နေပြည်တော်ဘူတာတွင် ချိန်ကိုက်ဗုံးတစ်လုံးတွေ့ရှိ
Subscribe to:
Post Comments (Atom)
No comments:
Post a Comment