ဖုန်းမော်နေ့ အမှတ်တရ

ကိုဖုန်းမော် အမှတ်တရ
ရေးသူ- ကိုလူချော (ကျူးပစ်မှ)

ကျောင်းသားမောင်ဖုန်းမော်ကွယ်လွန်တုန်းကအဖြစ်အပျက်ကိုမောင်ဖုန်းမော်နှင့်မောင်စိုးနိုင်တို့ကိုရန်ကုန်ဆေး ရုံကြီးကိုလိုက်ပို့ခဲ့တဲ့ကျွန်တော်ရဲ့ဆရာကြီး-ပြောပြခဲ့တာကို- မသိလိုက်ရတဲ့ ညီငယ်၊ညီမငယ်တွေကို သိစေချင်လို့ရေးပြလိုက်ပါတယ်။

အားလုံးသိပြီးတဲ့အတိုင်း-၁၉၈၈ ခုနှစ် မတ်လရဲ့တခုသောညအချိန်- RITကျောင်းဝင်းကို -လုံထိန်းတွေ သေနတ်တွေနဲ့ပစ်ခဲ့တုန်းက မောင်ဖုန်းမော်နှင့်မောင်စိုးနိုင်တို့-လုံထိန်းတွေရဲ့ ကျည်သင့်ခဲ့ရတယ်။
ထိုစဉ်က- RIT က သိပ္ပံဘာသာရပ်တခုရဲ့ဌာနမှုးဖြစ်သူ-ကျွန်တော်ရဲ့ဆရာနဲ့အခြားဆရာတချို့-မောင်ဖုန်းမော်နှင့်မောင်စိုးနိုင်တို့ကိုဆေးရုံကြီး ပို့ဖို့စိစဉ်ခဲ့ကြတယ်။ ဆရာဟာ-အဝတ်ဖြူတခုကိုအလံအဖြစ်ကိုင်ပြီး - မပစ်ကြပါနဲ့၊ ကျုပ်တက္ကသိုလ်က-ကထိကပါ။ ကျောင်းသား (၂)ယောက်ဒဏ်ရာရထားလို့-ဆေးရုံပို့ချင်တယ်-ကားစီစဉ်ပေးပါလို့-လုံထိန်းတွေကိုအော်ပြောခဲ့တယ်။

ကျွန်တော်က-ဆရာကိုမေးတယ်။ လုံထိန်းတွေ-တကယ်ဘဲသေနတ်တွေနဲ့ပစ်သလားဆိုတော့။ ဆရာကြီးက ပြန်ပြောတယ်- မင်း UTC ဝင်ခဲ့တယ်မဟုတ်လား။
စကားချပ်၊ ကျွန်တော်-ထိုဆရာကြီးနဲ့ နယ်ကောလိပ်မှာဆုံခဲ့တယ်။ ထိုစဉ်က ဌာနမှုး ကထိက။ နယ်ကောလိပ်ရဲ့ UTC တပ်ဖွဲ့မှာ ဆရာက ဗိုလ်ကြီးအဆင့်။ ကျောင်းပိတ်ရက်လေ့ကျင့်ရေးသွားတော့လဲ။ တိုင်းဗဟိုလေ့ကျင့်ရေးစခန်းကို-ကျွန်တော်တို့နဲ့ လိုက်ပါခဲ့တယ်။ ဆရာကြီးပြောတာက-မင်းတို့ UTC တုန်းကလေ့ကျင့်ရေးသရုပ်ပြနဲ့ စက်ပစ်ကွင်းမှာ ပစ်သလို မျိုးပေ့ါတဲ့။ ပတ်ကားကျည်တွေနဲ့ပစ်သလို-မင်းတို့လေ့ကျင့်သလို ဘလိုင်းတောင့်တွေနဲ့ ပစ်တာမျိုးမဟုတ်ဖူးတဲ့။

ဆရာကြီးရဲ့အော်သံကြောင့် လုံထိန်းတွေအပစ်ရပ်ပြီး-ရဲအုပ်တယောက်၊ရောက်လာတယ်တဲ့။ မောင်ဖုန်းမော်နှင့်မောင်စိုးနိုင်တို့ကိုသူတို့ရဲ့သူငယ်ချင်းတွေကပွေ့ခေါ်လာတယ်တဲ့။ ဆရာတို့ကားတစီးရပြီး ဆေးရုံကြီးကိုညကြီးရောက်သွားကြတယ်။ ဆရာပြောပြတာကတော့-ကားပေါ်ရောက်ကတည်း-မောင်ဖုန်းမော် အသက်မရှိတော့ဖူးလို့-သူထင်တယ်တဲ့။ မောင်ဖုန်းထံမှဘာအသံမှမကြားရတော့ဖူး။ မောင်စိုးနိုင်ကတော့-ကားပေါ်မှာညီးညူရင်း ပါလာကြောင်း။ ဆေးရုံကြီးရောက်ပြီးမှကွယ်လွန်တယ်လို့သိခဲ့ရပါတယ်။
ဆရာတို့တတွေ-မောင်စိုးနိုင်ကိုခွဲစိတ်နေတုန်း-မနက်ဝေလီဝေလင်းမှာ လဘက်ရည်သောက်ရန် ဆေးရုံကြီး အပြင်ထွက်လာခဲ့ကြတယ်။ မောင်းစိုးနိုင်ရဲ့သူငယ်ချင်းကတော့ ခွဲစိတ်ခန်းရဲ့အပြင်မှာ စောင့်ကျန်ရစ်ခဲ့တယ်။ ဆရာတို့-ဆေးရုံကြီးအဝင်ဂိတ်ကိုအရောက်မှာ-ယဉ်ထိန်းများပါဝင်တဲ့ရဲကား တစီးဝင်လာတာနဲ့ ထိက်တိုက်တိုးတော့တယ်။ ရဲကားမှာပါလာတဲ့- ရဲအရာရှိကဆရာတို့ ဘယ်ကိုသွားကြမလို့လဲ မေးတယ်။ (ထိုရဲအရာရှိက - RIT ဆရာတွေ ဆရာတွေမှန်းဘယ်လိုသိသလဲဆိုတာကိုတော့ ကျွန်တော့ ဆရာပြန်ပြောပြတာ ကို မမှတ်မိတော့ပါ။ နှစ်-၂ဝ ရှိပြီဆိုတော့-ကျွန်တော် သတိမရတော့ တာကို ခွင့်လွတ်ပါ။) RIT က ဆရာတွေက-လဘက်ရည်သွားသောက်မလို့ ဆိုတော့၊ ရဲအရာရှိက-ဟာဆရာတို့ လာပါ ကျွန်တော်တို့ပြုစုပါရစေ ဆိုပြီး၊ လသာလမ်းက ရဲစခန်းကိုခေါ်သွားတယ်။

ဆရာကပြန်ပြောတာက-ငါတို့ ငတုံးတွေပဲ။ ယဉ်ထိန်းရဲတွေမြင်တော့ အဖမ်းအဆီးအဖွဲ့တွေလို့ မထင်ခဲ့ဖူးတဲ့။ ဆရာတို့က-ဆေးရုံကြီးကိုပြန်ဖို့လုပ်တော့-ယဉ်ထိန်းရဲအရာရှိက-ဆရာတို့ကိုခွင့်မပြုဖူး။ ထိုအရာရှိက ဆရာတို့ ရှင်းပြတာက- တိုင်းကညွှန်ကြားလိုက်တယ်။ ဆေးရုံကြီးရောက်နေတဲ့ တက္ကသိုလ်ဆရာများနဲ့ ကျောင်းသားတွေ ကို- ယဉ်ထိန်းရဲမှသွားခေါ်ပြီး လသာရဲစခန်းတွင် ခေတ္တထိန်းသိမ်းထားရန်တဲ့။ ယဉ်ထိန်းရဲဆိုတော့ မည်သူကမှ ဖမ်းဆီး သည်ဟု မထင် သောကြောင့်-ယဉ်ထိန်းရဲကိုတာဝန်ပေးကြောင်း ထိုယဉ်ထိန်းရဲများဝင်လာသည်ကို - မြင်တော့ မောင်စိုးနိုင်ရဲ့သူငယ်ချင်းကဆေးရုံကြီး အနောက်ပေါက်မှထွက်ပြေးသွားကြောင်းနောက်မှသိရတယ်။
နောက်တော့-ရန်ကုန်တိုင်းရဲမှုးကြီး-လသာလမ်းရဲစခန်းကိုလိုက်လာပြီး-ဆရာတို့ကိုခေတ္တထိမ်းသိမ်းထား ရတဲ့ အတွက်တောင်းပန်ကြောင်း၊ မောင်ဖုန်းမော်နဲ့ မောင်စိုးနိုင်တို့ကိုဆေးရုံကြီးကိုလာပို့ပေးတဲ့အတွက်ကျေးဇူး တင် ကြောင်း။ အကယ်၍-မောင်ဖုန်းမော်ရဲ့-ရုပ်အလောင်းကို RIT ကျောင်းသားများသာရသွားပါက ယခု အခြေ အနေ ထက်ကိုပိုမိုဆိုးသွားနိုင်ကြောင်းပြောပြပြီး။ ဆရာများကို RIT ကျောင်းဝင်းသို့ ပြန်ပို့ပေးလိုက် ပါတယ်။

တံတားဖြူ အရေးအခင်းနေ့က-ကြုံတွေ့ခဲ့ရတဲ့- ရန်ကုန်တက္ကသိုလ်အတွင်းကဖြစ်ရပ်ကို ညီ၊ညီမ တွေသိရအောင်မှတ်မိသလောက်ပြန်ရေးပြမယ်။

၁၉၈၈ ခုနှစ် မတ်လ (၁၆) ရက် - တံတားဖြူ နေ့

ထိုနေ့မနက်မှာ-ကျွန်တော်တို့ဌာနမှုးနဲ့ ကျွန်တော်အပါအဝင်ဆရာတွေအစည်းအဝေးလုပ်နေကြတယ်။ အမေရိကန်ကို ပညာသင်သွားဖို့ကိစ္ခ။ ကျွန်တော်တို့ရဲ့ဌာနတည်နေရာကား-၀ိဇ္ဇာအဆောက်အဦးနှင့် ဆက်စပ်နေတယ်။ အရှေ့တိုင်းပညာ (ပါဌိ)ဌာန နှင့် နိုင်ငံရေးသိပ္ပံဌာန တို့အကြား၊ စီးပွါးရေးတက္ကသိုလ်နဲ့ မျက်နှာချင်းဆိုင်။ နောက်ကြောဖက်ကတော့ ဝိဇ္ဇာခန်းမ။ ထိုနေ့မနက် (၁ဝ)နာရီလောက်မှာကျောင်းသူ ကျောင်းသားတွေရဲ့အော်သံတွေ-ဝိဇ္နာခန်းမဖက်ကနဲ့-ဝိဇ္ဇာအဆောက်အဦးတခုလုံးဆူညံနေတယ်။ ဌာနမှုးက-ဟေ့ထွက်ကြည့်ကြစမ်းဘာဖြစ်တာလဲတဲ့။

ကျွန်တော်တို့ထွက်ကြည့်တော့-ကျောင်းသူတွေအော်သံတွေကြားရ၊ ပြေးနေကြတာတွေတွေ့ရတယ်။ ကျွန်တော်ရယ်၊သူငယ်ချင်းရယ်၊ဓါတုဗေဒ လထ-ကထိကရယ် ဝိဇ္ဇာအဆောက်အဦးမှ တက္ကသိုလ်အပန်းဖြေရိပ်သာ (RC) အထိသွားကြည့်ခဲ့ကြတယ်။ ကျွန်တော်တို့တွေ့ခဲ့ရတာကတော့-ကျောင်းသူ။သားတွေအများကြီး၊ ရန်ကုန်တက္ကသိုလ်စာကြည့်တိုက်အရှေ့နဲ့ တက္ကသိုလ်များ စာကြည့်တိုက် အရှေ့တွေမှာ။ အဓိပတိလမ်းတလျောက်အပြည့်ပဲ။ ကျွန်တော်တို့မျှော်လင့်လိုက်မိပါတယ်။ ဟောပြောဖို့-စုဝေးနေကြပြီ။ ဂေဘရယ်ရဲ့ဆောင်းပါးမှာ-မောင်ဖုန်းမော်နှင့်မောင်စိုးနိုင်တို့ သေဆုံးရမှုအတွက် ဖော်ထုတ်ပေးရန်စုဝေးကြသည်လို့ရေးထားတယ်။

ကျွန်တော်တို့-ဌာနကိုပြန်ရောက်တော့ဌာနမှုးကိုသတင်းပို့လိုက်ပါတယ်။ ဌာနက သရုပ်ပြဆရာအငယ် (၃) ဦး၊ လ။ထ-ကထိက (၂)ဦးနဲ့၊ အရွယ်လတ်-စက်မှု ကျွမ်းကျင်(၁)ဦးပါတဲ့အဖွဲ့ ထွက်သွားကြတယ်။ ဌာနမှုးကစေလွတ်လိုက်သည်လား၊ ဦးဘသန်းဟက် ကတာဝန်ပေးလိုက်သည်လားဆိုသည်ကို-မမှတ်မိတော့ပါ။
ထိုနေ့ကတွေ့ရသည်ကတော့-ကျောင်းသူတွေစီးတဲ့ ဖယ်ရီကားတွေ-ကျောင်းထဲကမောင်းထွက်သွား တော့-ကျောင်းသားတွေအများကြီး၊ ဖယ်ရီကားတွေမှာတွယ်လိုက်သွားကြတယ်။

မာလာဆောင်ဘေးမှဝင်ရတဲ့ ဘွဲ့နှင်းသဘင်လမ်းထိပ်က သံတံခါးလည်းပျက်ဆီးနေတယ်။ ကျွန်တော်တို့ ဌာနမှုးအပါအဝင်အားလုံး-ဌာနရဲ့ဧည့်သည့်လက်ခံတဲ့ နေရာမှာပဲစုနေကြတယ်။ ထိုအချိန်မှာ-ဌာနမှုးထံ ဒုတိယဝန်ကြီး ဒေါက်တာမောင်ဒီထံမှ တယ်လီဖုန်းခေါ်ပါတယ်။ ဌာနမှုး-ဒေါက်တာမောင်ဒီနှင့် စကားပြောပြီးရုံးခန်းထဲမှထွက်လာတော့-ကျွန်တော်တို့ကိုပြောပြတာကတော့-ပါမောက္ခချုပ် ဒေါက်တာ ချစ်ဆွေမှ-သတင်းပို့ကြောင်း၊ ရန်ကုန်တက္ကသိုလ်အတွင်းအခြေအနေအတော်ဆိုးနေကြောင်း၊ကျောင်းသားများကျောင်းပိုင်ပစ္စည်းတွေကို ဖျက်ဆီးနေကြောင်း၊လုံခြုံရေးတပ်ဖွဲ့တွေဝင်ရောက်စေချင်ကြောင်း သတင်းပို့ထားတယ်။

ဒေါက်တာမောင်ဒီမှ ဒေါက်တာချစ်ဆွေ၏သတင်းပို့ချက်ကိုမယုံကြည်တာကြောင့် ကျွန်တော်တို့ရဲ့ဌာနမှုးကို-စုံစမ်းခိုင်းတယ်။ ဒေါက်တာမောင်ဒီမှ-ဌာနမှဆရာတဦးသွားစုံစမ်းပြီး-ပြန်သတင်းပို့စေချင်ပြောသွားတယ်။ ကျွန်တော်ရဲ့ဌာနမှုးက ကျွန်တော့ကို တာဝန်ပေး လိုက် တယ်။ ရန်ကုန်တက္ကသိုလ် (ပင်မ)မှ ကျောင်းသူ။ ကျောင်းသားများဟာ......ပဲခူးဆောင်၊ အင်းဝဆောင်၊ မန္တလေးဆောင်၊ တောင်ငူဆောင်၊ ရွေဘိုဆောင်. ...ကျောင်းဝင်းတခုလုံး လှည့်လည်ကြွေးကြော် ခဲ့ကြတယ်။ အဓိပတိလမ်းမတခုလုံးကျောင်းသူကျောင်းသားတွေနဲ့ပြည့်နှက်နေတယ်. ဒီနောက်တော့...ဘွဲ့နှင်းသဘင်ခန်းမအရှေ့ အဝိုင်းမှာ စုဝေးကြတယ်။

ကျွန်တော့ဌာနမှုးရဲ့တာဝန်ပေးချက်အရ....ထိုနေရာသို့.. .ကျွန်တော်ရောက်သွားတယ်။ မနက်ပိုင်း (၁ဝ) နာရီခွဲ လောက်ရှိပြီလို့ထင်ပါတယ်။ ကျွန်တော်...ဌာနအရှေ့မှ ထွက်ပြီး...အရှေ့တိုင်းပညာဌာနဘေးမှ လျောက်သွား ရာ...ဝိဇ္ဇာအဆောက်အဦးရဲ့အရှေ့ကိုရောက်သွား တယ်။ တရုပ်စကားပန်းပင်ရဲ့အောက်မှာရပ်လိုက်တယ်။

ကျွန်တော်တွေ့ခဲ့တာကတော့...ကျောင်းသူကျောင်းသားတွေ.. .ဘွဲ့နှင်းသဘင်အရှေ့က အဝိုင်းမှာ၊ သစ်ပုတ်ပင်အရှေ့မှာ၊ ဝိဇ္ဇာအဆောက်အဦးမှ ဘွဲ့နှင်းသဘင်ကိုကူးတဲ့...တံတားမှာ၊ အများကြီးတွေ့ခဲ့ရတယ်။ ဝိဇ္ဇာဘာသာရပ်များမှ..ဆရာများ၊ ရူပဗေဒမှဆရာများ၊ စီးပွါးရေး တက္ကသိုလ်မှဆရာများ...လဲရှိနေကြတယ်။

ထိုအချိန်မှာ......ရန်ကုန်တက္ကသိုလ်ရဲ့ဒုတိယ ပါမောက္ခချုပ် ဦးဘသန်းဟက်ဟာ လက်ကိုင်အသံချဲ့စက်ဖြင့် ပြောနေတာကိုမြင်ခဲ့ရတယ်။ ကြားမိတာကတော့-ကျောင်းသားတွေကို...ကျောင်းအပြင်မထွက်ဖို့......ကျောင်းဝင်းအတွင်းဆန္ဒပြနိုင်ကြောင်းကျောင်းပြင်ပကို ထွက်ပါက....ဆရာများတာဝန်မယူနိုင်ဖူးလို့.....မှတ်မိနေတယ်။ ဒီနောက်တော့ ....ဆရာကြီး..ဘွဲ့နှင်းသဘင်ခန်းမ ထဲပြန်ဝင်သွားတယ်။ သူ့လက်ကိုင်ဟွန်းကတော့...ကျောင်းသားတွေရဲ့ လက်ထဲကျန်ခဲ့တယ်။

ထိုအချိန်မှာ..........ကြိမ်နဲ့လုပ်ထားတဲ့ဦးထုပ်ဆောင်းထားတဲ့ကျောင်းသား(ဂေဘရယ်ရဲ့ဆောင်းပါးမှာတော့-ခမောက်ကြီးတလုံးကိုဆောင်းထားတဲ့ ကျောင်းသားတယောက်- ဇော်မင်း-အာပြဲ တဲ့) က ကြေငြာချက်တခုကို ဖတ်ကြားလိုက်တယ်။ မြန်မာနိုင်ငံလုံးဆိုင်ရာကျောင်းသားသမဂ္ဂကိုစတင်ဖွဲ့စည်းလိုက်ပြီကြေငြာလိုက်တော့.... ကျောင်းသူကျောင်းသားတွေ လက်ခုပ်တီးပြီးအားပေးလိုက်ကြတယ်။ ဒီနောက်တော့...သမဂ္ဂအဖွဲ့ဝင်အမည်များကိုကြေငြာပါတယ်။ဂေဘရယ်ရဲ့ဆောင်းပါးမှာ...မျက်မှန်နဲ့ ကျောင်းသား (လှမျိုးနောင်)လဲအဲဒီအချိန်ကရှိနေတယ်ဆိုဘဲ။ ထိုစဉ်ကာလ.....ကျွန်တော်ဟာ....ကျောင်းသားမဟုတ်လေတော့....ယခုအခါလူတိုင်းသိကြတဲ့....၈၈ မျိုးဆက်ကျောင်းသားခေါင်းဆောင် တွေကို....တယောက်မှ မသိပါ။ ကျောင်းသားတွေရဲ့တောင်းဆိုချက်တွေကိုဖတ်ကြားနေကြတယ်။

ကျွန်တော့ရဲ့တာဝန်က............ကျောင်းသူကျောင်းသားဦးရေမည်မျှရှိသည်ကိုခန့်မှန်းပြီးသတင်းပြန်ပို့ရ မည်။ မလွယ်တဲ့အလုပ်ပါ။ ကျွန်တော်ဆုံးဖြတ်လိုက်သည်၊ ဒေါက်တာမောင်ဒီ....မစိုးရိမ်ရအောင်သတင်းပို့မည်။သို့မဟုတ်ပါက....ကျောင်းသူကျောင်းသားတွေအကြောင်းဆိုးသွားနိုင်သည်။ ကျွန်တော့ဆန္ဒမပြည့်ဝခဲ့ပါ။ ကျောင်းအပြင်ထွက်သွားပြီး တံတားဖြူတွင်........ကျောင်းသူ ကျောင်းသားများကို လုံထိန်းများကဝိုင်းရိုက် ပြီး၊ အချို့ကို...အင်းစိန်ထောင်ထဲ ဖမ်းဆီးသွားကြောင်း နောက်မှသိရ၍စိတ်မကောင်းခြင်းများစွာဖြင့်ခဲ့ရ၏။

ထိုနေ့ကဖြစ်ရပ်ကိုအကြောင်းပြု၍..... ဦးအောင်ကြီးစာတွေ ပလူပျံအောင်ထွက်လာခဲ့ပြီး ...ရန်ကုန်မြို့သူမြို့သား များကို ..... လုံထိန်းကိုမုန်းတီးတဲ့စိတ်ကိုဖြစ်စေခဲ့တယ်။ ရလဒ်ကတော့ ..... မြေနီကုန်းအရေးအခင်းမှာ ... လုံထိန်းတွေခံလိုက်ရတာ .... အားလုံးအသိပါ။