မတ်လ(၂၇)ရက်နေ့တွင်ကျရောက်သည့် ဖက်ဆစ်တော်လှန်ရေးနေ့တွင် တပ်မတော်သားများသို့ ပန်ကြားချက်
(ရက်စွဲ။ ၂၀၀၉-ခု။ မတ်လ ၂၆ ရက်)
မြန်မာ့တပ်မတော်ဟာ ဗိုလ်ချုပ်အောင်ဆန်းနှင့်တကွ ရဲဘော်သုံးကျိပ်တို့သူ့ကျွန်ဘ၀ကျရောက်နေသည့်မြန်မာနိုင်ငံနှင့် မြန်မာပြည်သူ တို့အားနယ်ချဲ့လက်အောက်မှ ကယ်တင်နိုင်ရန်အတွက် ဖွဲ့စည်းခဲ့သည့် တပ်မတော် ဖြစ်သလို မြန်မာ့လွတ်လပ်ရေးသမိုင်းတွင်
ပြည်သူ့အချစ်တော်တပ်မတော်တခုလည်း ဖြစ်သည်။ မြန်မာပြည်တွင် မှီတင်းနေထိုင်သောတိုင်းရင်းသားလူမျိုးပေါင်းစုံပါဝ င်ဖွဲ့စည်း ထားခဲ့သော တပ်မတော်ကြီးလည်း ဖြစ်သည်။ မြန်မာ ပြည်သူတို့ သူ့ကျွန်ဘ၀လွတ်မြောက်သည်အထိ နယ်ချဲ့တို့အား အမိမြေမှ မောင်းထုတ်နိုင်ခဲ့သည့်တပ်မတော် လည်းဖြစ်သည်။
ယခုအခါ ဗမာ့တပ်မတော်သည်စစ်အာဏာရှင်တစုတို့၏ လက်ပါးစေတပ်မတော်တခုဖြစ်နေသည်ကိုဝမ်းနည်းစွာတွေ့မြင်နေရပေသည်။ ဗိုလ်နေ၀င်းဦးဆောင်သည့်တော်လှန်ရေးကောင်စီမှ တိုင်းပြည်အာဏာကို အတင်းအဓ္ဒ မရယူပြီနောက် ဗမာ့တပ်မတော်သည်
အာဏာရှင် စစ်အုပ်စုတစုတို့အာဏာတည်မြဲရေးအတွက်ရဟန်းရှင်လူ ပြည်သူတို့အားဖိနှိပ်အုပ်ချုပ်သည့်သူတို့၏ လက်ပါးစေ တပ်မတော် တရပ်ဖြစ်သလို စစ်အုပ်စုတစုတို့အား အကာအကွယ်ပေးနေသည့်တပ်မတော်တရပ်ဖြစ်နေသည်ကိုဝမ်းနည်းဖွယ် တွေ့မြင်နေရပေသည်။
တော်လှန်ရေးကောင်စီမှတိုင်းပြည်အာဏာရယူပြီးနောက် ဗမာ့တပ်မတော်သည်၁၉၆၃-ခု၊ ဇူလိုင်(၇) ကျောင်းသားသမဂ္ဂ အဆောက်အဦး အားဗုန်းဖေါက်ခွဲခြင်း၊ ၁၉၆၇-ခုစစ်တွေဆန်ပြသနာအရေးအခင်း။ မှိုင်းရာပြည့်အ ရေးတော်ပုံ။ ၁၉၇၃-ခု၊ဦးသန့်အရေးအခင်း။
အရှေ့တောင်အာရှ အားကစားပွဲအရေးအခင်း။ ၈၈-ဒီမိုကရေစီအရေးတော်ပုံ၊၂၀၀၃-ခု၊ဒီပဲယင်းမေလအရေးအခင်းနှင့်ရွေဝါရောင် အရေးအခင်း တို့တွင်အာဏာရှင် စစ်အုပ် စုတစုတို့ကစေခိုင်းသည့်အတိုင်းရဟန်းရှင်လူပြည်သူတို့အားရက်စက်စွာသတ်ဖြတ်ခဲ့ကြသည်။
ယခုလည်း အာဏာရှင်စစ်အုပ်စုတစုတို့အာဏာတည်မြဲရေးအတွက်လမ်းပြမြေပုံ(၇)ချက်အားအကာအကွယ်ပေးမည့် တပ်မတော်တရပ် အဖြစ်ဝမ်းနည်းဖွယ်တွေ့မြင်နေရပေသည်။
သို့သော်လည်းဆရာတော်တို့အနေဖြင့်သမိုင်းအစဉ်အလာကြီးမားခဲ့သောတပ်မတော်အား စစ်အာဏရှင်တစုတို့၏ အသုံးတော်ခံ တပ်မတော်တရပ်အဖြစ်မရပ်တည်ချင်သလိုဒီမိုကရေစီအတွက်တောင်းဆိုတိုက်ပွဲဝင်နေ သောရဟန်းရှင်လူပြည်သူတရပ်နှင့်
လက်တွဲပြီးပူးပေါင်းပါဝင်လာဖို့တိုက်တွန်းလိုပါတယ်။
ဆရာတော်တို့အနေဖြင့် တပ်မတော်သားများအားအောက်ပါအတိုင်းမိန့်မြွက်ပန်ကြားလိုပါတယ်-
• ဒေါ်အောင်ဆန်းစုကြည်အပါအ၀င် နိုင်ငံရေးအကျဉ်းသားအားလုံးလွတ်မြောက်ရေးအတွက်ဝိုင်းဝန်းပါ ၀င်ကြရန်။
• ဖွဲ့စည်းအုပ်ချုပ်ပုံအခြေခံဥပဒေပြင်ဆင်ရေးဆွဲရေးကို လုံးဝလစ်လျူရှုပြီးလမ်းပြမြေပုံ(၇)ချက်အတိုင်းသွားနေသော စစ်အုပ်စုအားပြည်သူတို့နှင့်အတူဝိုင်းဝန်းဆန့်ကျင်သွားရန်။
• သမိုင်းအစဉ်အလာကြီးမားခဲ့သောမြန်မာ့တပ်မတော်ရဲ့ဂုဏ်သိက္ခာကိုဆက်လက်ထိမ်းသိမ်းသွားကြ ရန်။
ဗဟိုကော်မီတီ
သာသနာ့ဥသျှောင်(ဘင်္ဂလာဒေ့ရှ်)
ဆက်သွယ်ရန်ဖုန်းနံပါတ်-ဦးရက္ခ၀ံသ-တွဲဘက်အတွင်းရေးမှူး
+88 04437142151, 01719650358
Thursday, March 26, 2009
သာသနာ့ဥသျှောင်(ဘင်္ဂလာဒေ့ရှ်)၏ ကျေညာချက်
Subscribe to:
Post Comments (Atom)
No comments:
Post a Comment