၂၀၁၀ ရွေးကောက်ပွဲ အားလုံးလက်ခံနိုင်အောင် ကျင်းပဖို့ အီးယူ အင်ဒိုနီးရှား သဘောတူ

26 March 2009

ဥရောပသမဂ္ဂရဲ့ မြန်မာနိုင်ငံဆိုင်ရာ အထူးကိုယ်စားလှယ် မစ္စတာဖက်ဆီနို (Piero Fassino) ဟာ အင်ဒိုနီးရှား နိုင်ငံခြားရေးဝန်ကြီး ဟတ်ဆန် ၀ီရယုဒ (Hassan Wirajuda) နဲ့တွေ့ဆုံပြီး မြန်မာနိုင်ငံရဲ့ လာမယ့်၂၀၁၀ ရွေးကောက်ပွဲအခြေအနေ အလားအလာတွေအပေါ် အမြင်သဘောထားတွေ အပြန်အလှန် ဖလှယ်ခဲ့ပါတယ်။
၂၀၁၀ ရွေးကောက်ပွဲမှာ အားလုံးပါဝင်ခွင့်ရပြီး အများက ယုံကြည်လက်ခံကြဖို့အရေးကြီးတယ်လို့ နှစ်ဖက်စလုံးက

လက်ခံဆွေးနွေးခဲ့ကြပါတယ်။ အကြောင်းစုံ ဆက်သွယ်မေးမြန်းထားတဲ့ ကိုသားညွန့်ဦးက တင်ပြပေးထားပါတယ်။

အင်ဒိုနီးရှား နိုင်ငံခြားရေးဝန်ကြီးနဲ့ မစ္စတာဖက်ဆီနိုတို့ဟာ မြန်မာနိုင်ငံရဲ့ နိုင်ငံရေး၊
စီးပွားရေး၊ လူမှုရေး အကြောင်းအတော်များများကို မနေ့က အင်ဒိုနီးရှား နိုင်ငံခြားရေး
ဝန်ကြီးရုံးမှာ ဆွေးနွေးခဲ့ရာမှာ ၂၀၁၀ ရွေးကောက်ပွဲကိစ္စဟာ အဓိကအကြောင်းရပ်
တခု ဖြစ်ခဲ့ပါတယ်။ ဥရောပသမဂ္ဂအနေနဲ့ မြန်မာနိုင်ငံ အခြေအနေအပေါ် အမြင်၊
အင်ဒိုနီးရှားဘက်က အမြင်၊ ချဉ်းကပ်မှု စသဖြင့် နှစ်ဖက် အပြန်အလှန် ပြောဆိုဖလှယ်
ဖြစ်တယ်လို့ အင်ဒိုနီးရှား နိုင်ငံခြားရေးဝန်ကြီးရဲ့ ပြောခွင့်ရသူ တာကူး ဖိုင်ဇာရှား
(Teuku Faizashar) က ဗွီအိုအေကို ပြောပြပါတယ်။

“အင်ဒိုနီးရှားအနေနဲ့ မြန်မာနိုင်ငံပြဿနာတွေကို ဘယ်လိုမြင်တယ်၊ ဘယ်လိုမျိုး
ချဉ်းကပ်နေတယ် ဆိုတာတွေကို ရှင်းပြခဲ့ပါတယ်။ မြန်မာနိုင်ငံနဲ့ ပတ်သက်ပြီးတော့
နှစ်နိုင်ငံအကြား ဆက်ဆံပြီး ပြောဆိုတာရော၊ အာဆီယံထဲမှာ အများနဲ့ပြောဆိုတာ
ရော၊ ကုလသမဂ္ဂ ခေါင်းစဉ်အောက်မှာ ပြောတာရော ရှိပါတယ်။ မြန်မာနိုင်ငံနဲ့
ပတ်သက်ပြီး ဒီမိုကရေစီ ဖြစ်ထွန်းရေးကိစ္စ တခုတည်းမှာတင် မဟုတ်ဘဲနဲ့ မြန်မာ
ပြည်သူတွေရဲ့ စီးပွားရေးအကျပ်အတည်း၊ နာဂစ်မုန်တိုင်းနောက်ပိုင်း အခြေအနေ
ဒါတွေအားလုံးကိုလည်း ဆွေးနွေးခဲ့ကြပါတယ်။”

ဥရောပသမဂ္ဂ အထူးကိုယ်စားလှယ် မစ္စတာဖက်ဆီနိုဟာ အာဆီယံအတွင်း ထိုင်းနဲ့
အင်ဒိုနီးရှားနိုင်ငံကို သွားရောက်ခဲ့တာပါ။ ထိုင်းဟာ မြန်မာ့အိမ်နီးချင်းဖြစ်သလို မြန်မာ
နိုင်ငံက ပြဿနာတွေနဲ့ တိုက်ရိုက်ကြုံတွေ့နေရတာမို့ သူ့အမြင်ကို သွားရောက်
နားထောင်တာဖြစ်ပြီး အင်ဒိုနီးရှားနိုင်ငံကတော့ မြန်မာ့အရေးဖြေရှင်းမှုမှာ အာဆီယံထဲ
အရေးပါတဲ့ နိုင်ငံတခုဖြစ်တာမို့ သွားရောက်ခဲ့တာလို့ မစ္စတာဖက်ဆီနိုရဲ့ ပြောခွင့်ရသူ
မစ္စတာ အူဂို ပါပီ (Mr.Ugo Papi) က ပြောပါတယ်။

“အင်ဒိုနီးရှားနိုင်ငံဟာ အာဆီယံထဲမှာ မြန်မာ့အရေးပြဿနာကို ဖြေရှင်းလိုတဲ့နိုင်ငံ
ဖြစ်သလို အာဆီယံထဲမှာလည်း အကြီးဆုံးနိုင်ငံဖြစ်တာကြောင့် အရေးပါပါတယ်။
အင်ဒိုနီးရှားနိုင်ငံဟာ စစ်အာဏာရှင်စနစ်ကနေ ဒီမိုကရေစီစနစ်ကို ကူးပြောင်းတဲ့
အတွေ့အကြုံရှိတဲ့ နိုင်ငံလည်းဖြစ်ပါတယ်။ ဒါကြောင့်လည်း မြန်မာ့အရေးကိစ္စကို
ဖြေရှင်းဖို့ရာ အာဆီယံထဲမှာ အင်ဒိုနီးရှားနိုင်ငံဟာ စိတ်ဝင်စားစရာပါ။ ဒါကြောင့်လည်း
ကျနော်တို့ဘက်က အင်ဒိုနီးရှားနဲ့ အခုလို ဆက်ဆံတာပါ။”

အခု အာဆီယံခရီးစဉ်အတွင်းမှာ မြန်မာနိုင်ငံတွင်း လာမယ့် ၂၀၁၀ ရွေးကောက်ပွဲ
ကာလမှာ မြန်မာနိုင်ငံတွင်း ဒီမိုကရေစီဖြစ်ထွန်းရေး အခွင့်အလမ်းကောင်းတွေ
ဘယ်လောက်ရှိလာနိုင်မလဲ လာရောက်လေ့လာတဲ့ ခရီးစဉ်ဖြစ်တယ်လို့ ပြောပါတယ်။
မစ္စတာဖက်ဆီနိုအနေနဲ့ မြန်မာနိုင်ငံကို သွားရောက်နိုင်ဖို့ စစ်အစိုးရကို ခွင့်ပြုချက်
တောင်းခဲ့တယ်လို့လည်း ပြောခွင့်ရသူက ဆိုပါတယ်။ နှစ်ဖက်စလုံးအနေနဲ့ လာမယ့်
စစ်အစိုးရရွေးကောက်ပွဲဟာ အများက ယုံကြည်လက်ခံမှုရှိတဲ့ပုံစံ ဖြစ်စေချင်တယ်
ဆိုတာကို နားလည်မှုရခဲ့တယ်လို့ အင်ဒိုနီးရှား နိုင်ငံခြားရေးဝန်ကြီး ပြောခွင့်ရသူက
ပြောပါတယ်။

“ဒီရွေးကောက်ပွဲကို အများက ယုံကြည်လက်ခံတဲ့ ရွေးကောက်ပွဲ ဖြစ်စေချင်ပါတယ်။
ရှေ့နှစ်လုပ်မယ့် ရွေးကောက်ပွဲကို အားလုံးပါဝင်နိုင်တဲ့ အခြေအနေ၊ အားလုံးပါဝင်ခွင့်
ရတဲ့ အခြေအနေမျိုးဖြစ်တာ မြင်လိုပါတယ်။ ဒေါ်အောင်ဆန်းစုကြည် ဒီရွေးကောက်ပွဲ
မှာ ပါတာမပါတာထက် အားလုံးပါဝင်ခွင့်ရဖို့က အရေးကြီးပါတယ်။ ဒီရွေးကောက်ပွဲ
ဟာ အများယုံကြည်လက်ခံနိုင်ဖို့ အရေးကြီးတယ်ဆိုတာကို ကျနော်တို့ အပြန်အလှန်
နားလည်မှုရခဲ့ပါတယ်။ ဒီအတွက် နိုင်ငံတကာရဲ့ ကူညီအားပေးမှုတွေ လိုတယ်ဆိုတာ
ကိုလည်း ပြောဖြစ်ပါတယ်။”

အီးယူ ဥရောပသမဂ္ဂအနေနဲ့က တဖက်မှာလည်း မြန်မာနိုင်ငံအပေါ် ချမှတ်ထားတဲ့
အီးယူ ဥရောပသမဂ္ဂရဲ့ အရေးယူဒဏ်ခတ်မှုကို နောက်တနှစ် အချိန်ထပ်တိုးမတိုး
နောက်လမှာ ဆုံးဖြတ်ရမှာဖြစ်ပါတယ်။ အခု အာဆီယံခရီးစဉ်အတွင်းမှာတော့
ဒီကိစ္စကို အကျယ့်တ၀င့် ပြောဆိုတာမရှိဘူးလို့ မစ္စတာဖက်ဆီနိုရဲ့လက်ထောက်က
ပြောပါတယ်။ ဒါပေမယ့်လည်း မြန်မာနိုင်ငံအပေါ် ပိတ်ဆို့အရေးယူဒဏ်ခတ်တဲ့နည်း
ရော အာဆီယံတွေကျင့်သုံးတဲ့ စစ်အစိုးရနဲ့ ထိစပ်ဖျောင်းဖျတဲ့နည်းရော နှစ်ခုစလုံး
အလုပ်မဖြစ်ဘူး၊ မထိရောက်ဘူးဆိုတာ သိသာနေတဲ့အတွက် ဒီထက်ကောင်းမွန်နိုင်
မယ့် နည်းလမ်းတွေကို သူတို့ဘက်က အဖြေထုတ်နေတယ်လို့လည်း မစ္စတာဖက်ဆီနို
ရဲ့ လက်ထောက် အူဂိုပါပီက ပြောဆိုခဲ့ပါတယ်။