ဇူလိုင်လ ၁-ရက်၊ ၂၀၀၉ ခုနှစ် ည ၁၀-နာရီဝန်းကျင်ခန့်တွင် မလေးရှားနိုင်ငံ၊ စမန်ညှင်းထိန်း သိမ်းရေးစခန်း (Semenyih Detention Camp) တွင် ဆူပူမှုဖြစ်ပွားကြောင်း သိရပါသည်။
ဖြစ်ပွားပုံမှာ- ဇွန်လ ၃၀-ရက်နေ့တွင် Camp အတွင်း နေမကောင်းသူများဆေးခန်းပြရာမှ စတင်ခဲ့ခြင်းဖြစ်သည်။ ဆေးခန်းပြရာတွင် Camp ရှိ အဖမ်းခံထားရသောမြန်မာများမှ ဆေးခန်းပြရန်လူစာရင်းတင်ရာ နှစ်ယောက်ပိုသွားခဲ့သည်။ ထိုပိုသွားသောနှစ်ယောက်အား Camp အာဏာပိုင်များက ဆေးခန်းပြခွင့်မပြုသည့်အပြင် ရိုက်နှက်ခဲ့ပြီး ဆေးလိပ်မီးနှင့်ထိုးခဲ့သည်။ နေမကောင်းသောလူနာများအား ယင်းသို့နှိပ်စက်သည်ကို လက်မခံနိုင်သဖြင့် ကျန်သည့်မြန်မာများမှ ဇူလိုင်လ ၁-ရက်နေ့တွင် Camp အတွင်းနေ့စဉ်လုပ်ရသော တန်း စီရသည့်အလုပ်အားမလုပ်ဘဲ တနေကုန်ဆန္ဒပြခဲ့ကြသည်။
ည ၇-နာရီအချိန်ခန့်တွင် Camp အာဏာပိုင်များမှ အဆောင်တခုစီမှ မြန်မာငယ်အနည်းစီကို UNHCR မှ ကိုယ်စားလှယ်လာ ရောက် သည်ကိုတွေ့ဆုံရန်ဟု အကြောင်းပြကာ လာရောက်ခေါ်ဆောင်သွားပြီး အခန်းတံခါးပိတ်ကာ ရိုက်နှက်ခဲ့ကြသည်။ ထို့နောက် ပြန်လွှတ် ပေးမည်ဟု အကြောင်းပြကာ Camp ပြောင်းရန်စီစဉ်ခဲ့ကြသည်။ အရိုက်ခံရသောသူများအော်ဟစ်သံကြောင့် Camp တခုလုံးမှ လူများ သိရှိသွားပြီး ၀ိုင်းဝန်းအော်ဟစ်ကာ အဆောင်တံခါးများဖွင့်၍ ထွက်လာကြသဖြင့် ဆူပူမှုဖြစ်ပွားခဲ့သည်။
မီးသတ်ကားများ၊ အဓိကရုဏ်းနှိမ်နင်းရေးတပ်ဖွဲ့များ ၃၀၀-နီးပါးခန့်ရောက်လာကြပြီး Camp တခုလုံးဝိုင်းလိုက်ကြပြီးနောက် သေနတ် များပစ်ဖောက်ကာ လူစုခွဲခဲ့သဖြင့် အခြေအနေပြန်လည်ငြိမ်သက်သွားကြောင်း သိရပါသည်။ ရုန်းရင်းဆန်ခတ်ဖြစ်မှုကြောင့် ဒဏ်ရာအ နည်းငယ်သာရရှိခဲ့ပြီး မည်သည့်ထိခိုက်ဒဏ်ရာရမှုမှ မရှိခဲ့ပေ။ အဆောင်များမှခေါ်ဆောင်သွားသော မြန်မာများမှာ ၃၀-ဦးရှိပြီး ၁၇-ဦးသာ အဆောင်သို့ပြန်လည်ရောက်ရှိလာပြီး ကျန်သည့် ၁၃-ဦးမှာ Camp ပြောင်းခံရကြောင်းသိရပါသည်။
စမန်ညှင်းထိန်းသိမ်းရေးစခန်းသည် Selangor ပြည်နယ်တွင် အကြီးဆုံးစခန်းတခုဖြစ်ပြီး အဆောင် ၅-ဆောင်ဖြင့်ဖွဲ့စည်းထားသည်။ လက်ရှိတွင် လူ ၂၀၀၀-နီးပါးခန့်ရှိနေပြီး ၄င်းတို့ ထဲမှ တ၀က်ကျော်မှာ မြန်မာလူမျိုးများဖြစ်ကြောင်း သိရပါသည်။
--
Kyaw Htoo Aung
hp: +6012 223 0327
Burma-Workers' Rights Protection Committee (BWRPC)
Kuala Lumpur
Malaysia
Thursday, July 2, 2009
Semenyih Detention Camp တွင် ဆူပူမှုဖြစ်ပွား
Subscribe to:
Post Comments (Atom)
No comments:
Post a Comment