ဝန်ကြီး မယားငယ်တွေ ကောင်းစားနေတယ်

နအဖ အကျင့်ပျက် ဝန်ကြီး၊ ဗိုလ်ချုပ်စောထွန်းရဲ့ ဖြစ်ရပ်မှန်သတင်း

နအဖစစ်အစိုးရရဲ့ ဆောက်လုပ်ရေးဝန်ကြီး၊ ဗိုလ်ချုပ်စောထွန်းကို၊ ကျန်းမာရေးအကြောင်းပြချက်နဲ့၊ အငြိမ်းစား ပေးလိုက်တာပါလို့၊ စစ်အစိုးရအသိုင်းအဝိုင်းက၊ လေသံလွှင့်နေကြပေမဲ့၊ တကယ့်ဖြစ်ရပ်မှန်သတင်းကို၊လူတိုင်း နီးပါးသိရှိနေကြပါပြီ။

မိန်းမပွေတဲ့၊ သက်ကြားအို၊ နအဖ၊ စစ်ဗိုလ်ချုပ်တွေထဲက၊ ခေသူမဟုတ်တဲ့၊ ဆောက်လုပ်ရေးဝန်ကြီး၊ ဗိုလ်ချုပ်စောထွန်းရဲ့၊ မိန်းမလိုက်စားမှုဒါဏ်ကို၊ ရေရှည်မှာသည်းမခံနိုင်တော့တဲ့၊ တရားဝင်ဇနီးဖြစ်သူ၊ “ဒေါ်မြင့်မြင့်ကို” ကစစ်အာဏာရှင်ကြီး၊ ဗိုလ်ချုပ်မှူးကြီးသန်းရွှေထံ၊ ကိုယ်တိုင်သွားရောက်တိုင်ကြားလိုက်လို့၊ အခုလိုအရေးယူခံရတာပါ။

ဆောက်လုပ်ရေးဝန်ထမ်းတဦး(မြေတူးမြေသယ်ယာဉ်မောင်း)ရဲ့၊သမီးဖြစ်သူ၊ တိုင်းရင်းသူလေး “ငွန်ဇာထွေး” ရဲ့ချစ်စရာကောင်းတဲ့၊ အသံလေးကိုသဘောကျရာက၊ မျက်စေ့ပါကျသွားပြီး၊ ဆောက်လုပ်ရေးနဲ့ပါတ်သက်တဲ့၊ တီဗီသီချင်းများဆိုရန်အကြောင်းပြချက်နဲ့၊ ၁၀တန်းမအောင်ခင်ကတည်းက၊ ဗိုလ်ချုပ်စောထွန်းအမိန့်နဲ့၊ နေ့စား ဝန်ထမ်းအဖြစ်ခန့်ထားခဲ့ပါတယ်။ မုံရွာစီးပွားရေးတက္ကသိုလ်ကဘွဲ့ရချိန်မှာတော့၊ ဦးစီးအရာရှိအဖြစ်၊ ခန့်အပ်ခဲ့ ပါတယ်။ ယခုပြဿာနာမဖြစ်ခင်ကလေးမှာဘဲ၊ “ငွန်ဇာထွေး” ကို၊ လက်ထောက်ညွှန်ကြားရေးမှူးရာထူး၊ တိုးပေး ရန်စီစဉ်နေကြောင်းကြားသိရပါတယ်။ ဗိုလ်ချုပ်စောထွန်းရဲ့တော်ကောက်ခံရပြီးနောက်၊ ဆုလာဘ်အဖြစ်၊ သူမ ရဲ့ဆွေမျိုးအယောက်(၃၀)ခန့်၊ ဝန်ထမ်းအဖြစ်ခန့်ထားပေးလိုက်တယ်လို့သိရှိရပါတယ်။

ဒါအပြင်၊“ငွန်ဇာထွေး”ရဲ့၊ သူငယ်ချင်းအချို့ကိုလည်း၊ အလုပ်ခန့်ထားခဲ့ပြီး၊ သူတို့ရဲ့ဘဏ်စာရင်းတွေထဲ၊ ငွေကြေး အမြောက်အများ ထည့်သွင်းပေးခါ၊ လိုအပ်လာတဲ့အခါ၊ ခြေတော်တင်ဘို့၊ ကြိုတင်အကွက်ချ စီစဉ်ထားတာ လို့၊ ဆောက်လုပ်ရေးဝန်ကြီးနဲ့ နီးစပ်သူတဦးက၊ ထုတ်ဖေါ်ပြောဆိုခဲ့တာကြောင့်၊ အဲဒီ့မိန်းမပျိုလေးတွေ ရဲ့ဘဏ်စာရင်းတွေကို၊ သက်ဆိုင်ရာက၊ စစ်ဆေးနေကြောင်းသိရှိရပါတယ်။

“မ”ကျမ်းကြေသလို၊ လာဘ်စားရာမှာလည်း၊အထူးကျွမ်းကြင်လှတဲ့သူလို့၊ နာမည်ကြီးလှတဲ့၊ ဗိုလ်ချုပ်စောထွန်း ဟာ၊ နအဖစစ်အစိုးရဝန်ကြီးတွေထဲမှာ၊ သက်ဆိုးရှည်သူတဦးပါ။

အင်းဝတံတား၊ တည်ဆောက်စဉ်အခါက၊ ကန်ထရိုက်လုပ်ငန်းအားလုံးနီးပါးကို၊ ဆွေမျိုးနဲ့၊ နီးစပ်သူများကိုသာ၊ ပေးခဲ့ပါတယ်။ ဝိုင်းဝန်းခိုးစားနေကြတာကြောင့်၊ အဆင့်မမှီတဲ့၊တံတားကြီးအဖြစ်၊နာမည်ကျော်ကြားခဲ့ပါတယ်။ ဖွင့်ပွဲလုပ်ဘို့ပြင်ဆင်နေတာကို၊ လာရောက်စစ်ဆေးတဲ့၊ ဒုတိယဗိုလ်ချုပ်ကြီးရဲမြင့်တယောက်၊ ပုံမှန်လေတိုက် ရုံနဲ့လှုပ်ယန်းနေတဲ့၊တံတားကြီးပေါ်ကနေ၊ အဆုံးထိမလျှောက်ရဲတာကြောင့်၊ တံတားတဝက်ကနေလှည့်ပြန် သွားခဲ့ရတဲ့ဖြစ်စဉ်တခုရှိခဲ့ပါတယ်။ ( ဆောက်လုပ်ရေးဝန်ကြီး၊အရေးယူမခံရပါ။ )

ယခင်ကလည်း၊အကြိမ်ကြိမ်လာဘ်စားမှုတွေရှိခဲ့လို့၊ စစ်ထောက်လှမ်းရေးခေါင်းဆောင်၊ ဗိုလ်ချုပ်ကြီးခင်ညွှန့် တာဝန်ရှိစဉ်က၊ အရေးယူဘို့တင်ပြခဲ့ပေမဲ့၊ ဗိုလ်ချုပ်မှူးကြီးသန်းရွှေက၊ လက်မခံခဲ့ဘူးလို့သိရပါတယ်။ (ကျောက်ဆည်မြို့မှာအတူတူကြီးပြင်းလာခဲ့တဲ့၊ သံယောဇဉ်ကြောင့်လို့ပြောဆိုကြပါတယ်။)

နောက်ဆုံးမှာတော့၊ ဇနီးဖြစ်သူက၊ မြစ်ကြီးနား၊ပူတာအို(၁၂ရက်)ကြာခရီးစဉ်မှာ၊ “ငွန်ဇာထွေး” နဲ့နှစ်ပါးသွားတာ ကို၊ သက်သေအထောက်အထားတွေနဲ့တိုင်တန်းခဲ့တာကြောင့်၊အနားပေးလိုက်တာပါ။ ( ဇနီးသည်ရဲ့တောင်းဆို ချက်အရ၊ ဖမ်းဆီးမှုမပြုလုပ်ခဲ့ဘူးလို့သိရပါတယ်။)

ဝန်ကြီးပြုတ်ပြီဆိုတော့၊ တရားမဝင်ဇနီးလေးတွေရဲ့၊ ရှေ့ရေးကလည်း၊ ဖြုတ်ထုတ်သတ်ခံရဘို့ဖြစ်လာပါတော့ တယ်။ နီးစပ်သူအချို့လည်း၊အသုတ်လိုက်၊တဖြုတ်ဖြုတ်နဲ့၊ အထုတ်ခံနေရပါတယ်။ ဗိုလ်ချုပ်စောထွန်းလက် ထက်နယ်နှင်ခံထားရတဲ့၊ အချို့သောဝန်ထမ်းများကို၊ ဝန်ကြီးအသစ်က၊ ပြန်လည်ခေါ်ယူ တာဝန်ပေးအပ်တာ တွေ၊ တွေ့ရှိနေရပါတယ်။

အကျင့်ပျက်စစ်ဗိုလ်ချုပ်တွေအုပ်ချုပ်နေတာကြောင့်၊ မြန်မာနိုင်ငံဟာ၊ ဖွင့်ဖြိုးမှုနောက်အကျဆုံးနဲ့ အဆင်းရဲဆုံး နိုင်ငံအဖြစ်၊ ရောက်ရှိနေတာပါ။ နအဖစစ်အုပ်စုဟာ၊ ပြည်သူ့အာဏါကို၊လက်နက်နဲ့အတင်းအကျပ်၊ လုယူထား ပြီး၊ အရည်အချင်းမမှီ၊ အကျင့်သိက္ခာမရှိ၊ ဖောက်ပြန်တဲ့စိတ်ဓါတ်များနဲ့၊ မြန်မာလူထုတရပ်လုံးကို၊ ကမ္ဘာ့အ လည်မှာ၊ အရှက်ရစေမဲ့၊ လုပ်ရပ်များကိုသာ၊ အစဉ်တစိုက်လုပ်ဆောင်လျှက်ရှိနေတယ်ဆိုတာ၊ ဒီဖြစ် စဉ်တွေက၊ သက်သေခံလို့နေပါတယ်။
ကိုထိုက် ဘလော့မှ