ဝက်တုပ်ကွေးကြောင့် အမေရိကန်မှာ ကလေးငယ် တဦးသေဆုံး

29 April 2009

ဝက်တုပ်ကွေး ရောဂါကြောင့် အမေရိကန် နိုင်ငံမှာ ပထမဆုံး လူတယောက် သေဆုံးသွားပါပြီ။ တကမ္ဘာလုံးကို အချိန်တိုအတွင်း ပျံ့နှံ့နေတဲ့ ၀က်တုပ်ကွေး ဗိုင်းရက်စ် ရောဂါပိုးနဲ့ ပတ်သက်လို့ နောက်ဆုံး အခြေအနေနဲ့ တွေ့ရှိသေဆုံးသူဟာ မက္ကဆီကို အနောက်ပိုင်းနဲ့ နယ်နိမိတ်ချင်း ထိစပ်နေတဲ့ တက္ကဆက်စ် ပြည်နယ်က ၂၃လသား ကလေးငယ်လေး ဖြစ်တယ်လို့ ရောဂါ ထိန်းချုပ်ရေးနဲ့ တားဆီးကာ ကွယ်ရေး ဌာန ယာယီ ညွန်ကြားရေးမှူး ဒေါက်တာ Richard Besser က ပြောပါတယ်။ ဒါဟာဖြင့် ၀က်တုပ်ကွေး ရောဂါ စတင် ဖြစ်ပွားပြီး လူ ၁၅ယောက်အထိ သေဆုံး ခဲ့ရပြီဖြစ်တဲ့ မက္ကဆီကို နိုင်ငံ ပြင်ပမှာ ပထမဆုံး သေဆုံးမှုပါ။

ရောဂါဖြစ်ပွားတယ်လို့ အတည်ပြုနိုင်တဲ့အရေအတွက် ၂၆ ခုရှိခဲ့ပြီး အဲဒီထဲမှာ သေဆုံးသွားတဲ့ဖြစ်ရပ်က ခုနစ်ခုရှိတယ်လို့ မက္ကဆီကို ကျန်းမာရေးဝန်ကြီး Jose Cordova က အင်္ဂါနေ့နှောင်းပိုင်းမှာ သတင်းထောက်တွေကိုပြောပါတယ်။ ဗိုင်းရပ်စ်ရောဂါပိုး ကူးစက်ခံထား ရသူပေါင်း ၁၃၀၀ ကျော် ဆေးရုံတင်ကုသထားရတယ်လို့ လည်း သူကပြောပါတယ်။

ဂျာမနီနိုင်ငံမှာလည်း ၀က်တုပ်ကွေးဖြစ်ပွားတဲ့ဖြစ်ရပ် သုံးခုတွေ့ရတယ်လို့ ဒီကနေ့အစောပိုင်းမှာ ကြေညာခဲ့တာကြောင့် ဗိုင်းရပ်စ် ပိုး ကူး စက်တဲ့ ထဲမှာ နောက်ဆုံးပေါ်လာတဲ့နိုင်ငံဖြစ်လာပါတယ်။

အမေရိကန်ပြည်ထောင်စုမှာ ၀က်တုပ်ကွေးဖြစ်ပွားတဲ့အရေအတွက်က ၆၅ ယောက်ထက်မနည်းတဲ့ အရေအတွက်ထိ တိုးသွားပါ တယ်။ နယူးယောက်မြို့တော် ကက်သလစ်ဘုရားကျောင်းတခုက ဒါဇင်နဲ့ချီတဲ့ကျောင်းသားတွေဟာ မက္ကဆီကိုခရီးစဉ်တခုကနေ ပြန်လာခဲ့ကြပြီး တဲ့နောက် ၀က်တုပ်ကွေးရောဂါသင့်လာခဲ့ပြီး ရောဂါပိုးဟာ အဲဒီကျောင်းထဲမှာတင်မဟုတ်တော့ဘဲ ကျောင်းအပြင် ဘက်ထိ ပြန့်နှံ့သွား ပုံရပြီလို့ အာဏာပိုင်တွေကပြောပါတယ်။ တခြားကျောင်းနှစ်ခုက ကျောင်းသားတွေလည်း နေမကောင်းဖြစ်ခဲ့ ကြပါတယ်။

လော့စ်အိန်ဂျလိစ်မြို့မှာ တုပ်ကွေးရောဂါနဲ့ သေဆုံးရသူနှစ်ဦးဟာ ၀က်တုပ်ကွေးရောဂါနဲ့ ဆက်စပ်ပုံမရဘူးလို့ ဒေသတွင်း သေမှုသေခင်း စစ်ဆေးရေး အရာရှိကပြောကြောင်း Los Angeles Times သတင်းစာကပြောပါတယ်။ မက္ကဆီကိုနိုင်ငံနဲ့ နယ်နမိတ်ထိစပ် နေတဲ့ ကာလီဖိုးနီးယားပြည်နယ်မှာ ရောဂါကူးစက်မှု ၁၁ ခုရှိသွားပြီဖြစ်ပြီး အခြေအနေကိုကိုင်တွယ်ဖို့ အရေးပေါ်အခြေအနေ ကြေညာထားပါတယ်။ http://www.voanews.com/burmese/2009-04-29-voa7.cfm