မြန်မာအလုပ်သမားဟု ယူဆရသူ အလောင်းသုံးလောင်းတွေ့ရှိ

နွယ်လေး။
စက်တင်ဘာလ ၁ ရက်၊ ၂၀၀၉ ခုနှစ်။

ထိုင်းနိုင်ငံတောင်ပိုင်းတွင် မြန်မာအလုပ်သမားဟု ယူဆရသူအမျိုးသားအလောင်းသုံးလောင်းကို ထိုင်းအာဏာပိုင် များက တွေ့ရှိခဲ့သည်။

ထိုင်းနိုင်ငံ တောင်ပိုင်း ချွန်ဖွန်မြို့နယ် အန်နောင်ကျော်လခစ် ဘုန်းကြီးကျောင်းအနီးတွင် အသက်ရှုကြပ်ပြီး သေ ဆုံးနေသည့် အသက် ၂၀ ၀န်းကျင် အရွယ် အမျိုးသား သုံးဦး၏ အလောင်းကို ပြီးခဲ့သည့် သြဂုတ်လ (၂၈) ရက် သောကြာနေ့တွင်

ထိုင်းတာဝန်ရှိများက တွေ့ရှိခဲ့သည်။

ယင်းအလောင်းများသည် ခရီးသည် တင်ကား တစ်စီးနှင့် လာရောက်ပစ်ချထားသည်ဟု ထိုင်းတာဝန်ရှိများက သံ သယရှိပြီး ထိုဒေသတွင် နေထိုင်သည့် မြန်မာလူမျိုးများကို ဆက်သွယ်မေးမြန်းသည်ဟု မြန်မာအလုပ်သမားတဦး က ယခုလိုပြောသည်။

“လူအလောင်းသုံးလောင်းတဲ့ ကျနော်တို့ဆီကို ပလိပ်က ဖုန်းဆက်လာတယ်။ ဘုန်းကြီး ကျောင်းနားမှာ ပစ်ထားခဲ့တယ်တဲ့ မင်းတို့ဗမာသုံးယောက်တဲ့”

ဆေးရုံမှ စမ်းသပ်စစ်ဆေးချက်အရ အလောင်းတွေ့ရှိချိန် မတိုင်မီ (၁ဝ)နာရီခန့်က အသက်ရှူမွန်းကြပ်ပြီး သေဆုံး ခဲ့ကြောင်း သြဂုတ်လ ၃ဝ ရက်နေ့က ထိုင်းနိုင်ငံထုတ် ထိုင်းရပ်သတင်းစာတွင် ဖော်ပြထားသည်။

ထိုင်းတာဝန်ရှိများက သေဆုံးသူ သုံးဦးသည် မြန်မာလူမျိုးများဖြစ်နိုင်သည်ဟု ယူဆထားသည်။

ယင်းသေဆုံးသူများကို အခြားမြန်မာအလုပ်သမားများသိနိုင်သော်လည်း ထိုင်းအာဏာပိုင်များလာရောက်မေးမြန်း စုံစမ်းမည်ကို မလိုလားသဖြင့် ပြောမည့်သူ မရှိဟု ယင်းအလုပ်သမား က ပြောသည်။

“ဗမာပြည်သားတွေ ဒီလိုသေကြ ဘာညာဆို လူတွေက ဂရုမစိုက်တော့ဘူးဗျာ။ ကျနော်တို့နေရာမှာ။ လူသတ်ပြီးသေ ထိုင်းတွေ သတ်ပြီးသေ အဲလိုမျိုးဆို လူတွေလဲ သိပ်ပြီး အလေး မထားကြတော့ဘူး”

ယင်းအလောင်းများကို ချွန်ဖွန်ဆေးရုံကြီးတွင် ထားရှိကာ အလောင်းပိုင်ရှင် စောင့်နေပြီး လာယူမည့်သူ မရှိပါက အာဏာပိုင်များ တာဝန်ယူသင်္ဂြိုလ်မည်ဖြစ်သည်။

ချွန်ဖွန်မြို့သည် ထိုင်းနိုင်ငံတောင်ပိုင်း ရနောင်းမြို့နှင့် ကီလိုမီတာ တစ်ရာကျော် ဝေးကွာပြီး လယ်ယာစိုက်ပျိုးရေး လုပ်ငန်းများကို မြန်မာအလုပ်သမားအများစုက လုပ်ကိုင်နေကြသည်။

နယ်စပ်ဒေသမှ မြို့ကြီးများတွင် အလုပ်သွားလုပ်လိုသည့် အလုပ်သမားများက အလုပ်ရရှိရန် ပွဲစားမှတဆင့် နည်း ပေါင်းစုံဖြင့် ၀င်နေရောက်လျှက်ရှိသည်ဟု အလုပ်သမားအရေး ဆောင်ရွက်သူများက ပြောသည်။

၂၀၀၈ ခုနှစ် ဧပြီလ အစောပိုင်းက ဖူးကတ်တွင် အလုပ်သွားလုပ်မည့် အလုပ်သမား ၁၀၀ ကျော်ကို လေအေး ပေးကားဖြင့် ခေါ်ဆောင်သွားစဉ် အသက်ရှူမွန်းကြပ်ပြီး ၅၄ ဦး သေဆုံးမှု ဖြစ်ပွားခဲ့သည်။