ဟစ်ဟော့ တေးဂီတကို မြန်မာသံစဉ်နဲ့တိုက်မည်
NEJ / ၂၃ ဖေဖော်ဝါရီ ၂၀၀၉
ဆယ်စုနှစ် တစုစာခန့်သာ အောင်မြင်မှုရှိသေးသည့် ဟစ်ဟော့တေးဂီတ၏ လွှမ်းမိုးမှု မြန်မာလူငယ်တို့အပေါ် အသားကျနေသည့်အတွက် ၎င်းကို မြန်မာသံစဉ်ဖျော်ဖြေပွဲများ ပြုလုပ်တိုက်ထုတ်ရမည်ဟု အမည်မဖော်လိုသည့် အနှစ် (၃၀) ကျော် မြန်မာသံ သီဆိုလာသည့် ၀ါရင့်အဆိုတော်ဟောင်းကြီး တဦးကပြောသည်။
၂၂.၂.၂၀၀၉ ရက်နေ့ ည (၇) နာရီက ကရ၀ိတ်ဥယျာဉ် ကမ္ဘာမျှော်စင်ကျွန်းတွင် မြန်မာသံစဉ် ဂန္ထ၀င်ညတေးဂီတ ဖျော်ဖြေပွဲတွင် ၎င်းက ပြောခြင်းဖြစ်ပါသည်။
“အခု ဖျော်ဖြေပွဲမှာ အခုခေတ် လူငယ်တွေဖြစ်တဲ့ ဖိုးသောကြာ၊ ပန်းအိဖြူ၊ မင်းထက်ကျော်ဇင်၊ သာထက်၊ မိုးယုစံ စတဲ့ ကလေးတွေ ပါဝင်သီဆိုကြတယ်။ ဒါဟာ ဒီမြန်မာမှုကို ရှင်သန်စေရေး အတွက်ပဲ၊ အခုက ညစ်ပတ်ပေရေတဲ့ စာသားတွေနှင့် Hip Hop ဆိုတဲ့ ရေစီးထဲမှာ မျောနေကြ တယ်၊ အမှန်တော့ အယူအဆလွဲမှားမှုလို့ ပြောနိုင်တယ်။ Music ကတော့ ဟုတ်တယ်၊ Music ကို ဖရိုဿဝါစာတွေနဲ့ မွှန်းလိုက်တဲ့ စာသားတွေကို လူငယ်တွေ ကြိုက်နေကြတယ် ဆိုတာ အနုပညာတလောကလုံးကို စော်ကားတာပဲ၊ ဒီအတွက် မြန်မာသံစဉ်ပွဲတွေ လုပ်သွားမယ်” ဟု ၎င်းကပြောသည်။
အဆိုပါ ဖျော်ဖြေပွဲသို့ လာရောက်ကြည်ရှုသူဦးရေမှာ (၂,၅၀၀) ခန့် ရှိပြီး၊ ယင်းတွင် အသက် (၃၀) မှ အထက် အသက်အရွယ်များပြားပြီး (၁၅) နှစ်နှင့် (၃၀) ကြားနည်းပါးကြောင်း ရန်ကုန်မြို့ခံများက ပြောသည်။
“ကျနော်က စတီရီယိုကိုလည်း ကြိုက်တယ်၊ မြန်မာသံတွေကိုလည်း ကြိုက်တယ်၊ ဟစ်ဟော့ကိုတော့ အရူးအမူးပဲ၊ အကြိုက်ဆုံးအဆိုရှင် ပြောပါဆိုရင် J Me ပါ၊ ဂျောက်ဂျက် ကိုလည်း ကြိုက်ပါတယ်” ဟု အသက် (၂၅) နှစ်အရွယ် ထွန်းသောင်းက ပြောသည်။
“မြန်မာသံပရိသတ်တွေ လာတာတော့ဟုတ်တယ်၊ ဒါပေမယ့် ဒီမှာဆိုနေတဲ့ သီချင်းတွေဟာ ဟိုးလွန်ခဲ့တဲ့ အနှစ် (၅၀) ကျော်က အောင်မြင်ခဲ့တာတွေ၊ အနှစ် (၃၀) က အောင်မြင်ခဲ့တာတွေချည်းပဲ တွေ့ရပါတယ်။ မြန်မာ ဂီတစာဆိုတွေနည်းလာလို့လား၊ ဒါမှမဟုတ် ရေးစပ်သီကုံး တာ အရည်အချင်း မပြည့်ဝလို့ပဲလား မပြောတတ်၊ နောက်ပိုင်း ကိုယ်တိုင်ရေး စပ်သီကုံးပြီး အောင်မြင်နေတဲ့ မြန်မာသံစစ်စစ်တွေ မကြားရဘဲ အရင်က အဟောင်းတွေကိုပဲ ကြားရတယ်၊ ဘာပဲပြောပြော အဟောင်းတွေကောင်းနေတာကို ဂုဏ်ယူရမယ်” ဟု မြန်မာသံကြိုက်သည့် အသက် (၅၀) ခန့်တဦးက ပြောသည်။
မြန်မာသံစဉ် ဂန္ထ၀င်ည တေးဂီတဖျော်ဖြေပွဲတွင် တေးသံရှင် ကိုမောင်မောင်ကြီး၊ ကိုမင်းနောင်၊ ကိုတင်လှိုင်၊ သုမောင်၊ ချိုပြုံး၊ စိုးစန္ဒာထွန်း၊ ထား၊ ခင်ညွန့်ရည်၊ မေရွက်ဝါ၊ ကေတုဝင်းထွဋ် စသည့် နာမည်ကြီး တေးသံရှင်ပေါင်း (၃၀) ကျော် သီဆိုခဲ့ကြကြောင်း သိရသည်။ ယင်းပွဲကို အလင်္ကာဝတ်ရည် အနုပညာလုပ်ငန်းက စီစဉ်ခြင်း ဖြစ်သည်ဟု ပွဲကြည့်ပရိသတ်တဦးက ပြေသည်။
“မြန်မာသံနဲ့ Hip Hop ကို ဘယ်လို တိုက်ထုတ်မလဲဆိုတာ စောင့်ကြည့်ရမှာပေါ့၊ ခေတ်တွေ ပြောင်းလာပြီး၊ စနစ်တွေပြောင်းလာပြီ ဂီတရေစီးကြောင်းပြောင်းလာပြီပဲ၊ တိုက်လို့ဘယ်လို ရနိုင်မလဲ၊ လူငယ်တွေက Hip Hop ဆိုတဲ့ ရေစီးကြောင်းပေါ်ပေါလော ဖြစ်နေကြပြီဗျ” ဟု အသက် (၃၀) ၀န်းကျင်တေးရေးတဦးကပြောသည်။ http://www.khitpyaingnews.org/news/February_09/23-2-09c.php
Monday, February 23, 2009
ဟစ်ဟော့ ကိုမတိုက်ခင် နအဖကို အရင်တိုက်ပါ
Subscribe to:
Post Comments (Atom)
No comments:
Post a Comment