All We want is Our Freedom “ လွတ်လပ်မှုကိုပဲ ကျမတို့ လိုချင်တယ် ” (ဒေါ်အောင်ဆန်းစုကြည်ရေးသားသည်)

ထိုက်သူနိုင် နိုဝင်ဘာ ၁၃ ၊၂၀၀၉။
မြန်မာနိုင်ငံတဝန်း ခရီးသွားလာရင်းကျမက လူတွေကို ဘာလို့ ဒီမိုကရေစီကို လိုချင်တာလဲလို့ မေးကြည့်မိပါတယ်။ မကြာခဏဆိုသလို အကြားရဆုံးအဖြေကတော့ ကျနော်တို့ကျမတို့ လွတ်မြောက်ချင်လို့ဆိုတာပါပဲ။ သူတို့အကျယ်ချဲ့ပြီး မပြောရဘဲ သူတို့ဘာပြောတယ်ဆိုတာ ကျမနားလည်ပါတယ်။ သူတို့ ရဲ့ ကံကြမ္မာကို သူတို့ကိုယ်တိုင်ပုံဖော်ဆုံးဖြတ်ခွင့် မရှိဘဲ ဖိနှိပ်ခံနေရတာက လွတ်မြောက်လိုချင်ကြပါတယ်။ လက်နက်အင်အားအခြေခံတဲ့ အမိန့်တွေနဲ့ ထင်ရာစိုင်းမှုတွေ အောက်မှာ ရောက်နေရတဲ့ သူတို့ရဲ့နိစ္စဓူဝ ကြုံတွေ့နေရတဲ့ အဖြစ်တွေကိုမလိုချင်ကြတော့ပါဘူး။ လူငယ်တွေကို ကျမက လွတ်လပ်ခြင်းဆိုတာဘာလဲလို့ မေးကြည့်တဲ့အခါ သူတို့ ကသူတို့စိတ်ထဲရှိတာတွေကို ရှိတဲ့အတိုင်း ရင်ဖွင့်ပြောပြချင် တာလို့ ဆိုပါတယ်။ သူတို့အသိဉာဏ်ပညာရဲ့ စိန်ခေါ်မှုကိုဖြည့်ဆည်းမပေးနိုင်တဲ့ ပညာရေးစနစ်အပေါ် မကျေနပ်ချက် တွေကို သူတို့ ထုတ်ဖော်ပြောလိုကြပါတယ်။ ဝေဖန်၊ဆွေးနွေး၊ ငြင်းခုံနိုင်သူတွေ ဖြစ်ပြီး စုရုံး၊ သီဆို၊ အော်ဟစ်၊ သြဘာပေးနိုင်ဖို့ ထောင်သောင်းသိန်းမကစုဝေးနိုင်သူတွေဖြစ်လိုကြပါတယ်။

မြန်မာနိုင်ငံက လူငယ်တွေဟာ ကျယ်ပြန့်လွန်းတဲ့ မျှော်လင့်ချက်တွေနဲ့ အံမခန်းမှုတွေပြည်နေတဲ့ လူငယ်ဘဝရဲ့ နိုးကြား တက်ကြွတဲ့ အရွယ်တွေကို အပြည့်အဝပိုင်ဆိုင်ချင်တယ်။ မရေရာမှုတွေ၊ ကြီးကျယ်မှုတွေနဲ့ စိတ်ကူးယဉ်မှုတွေ၊ တောက် ပခမ်းနားမှုနဲ့ ဖီလာဆန့်ကျင်မှုတွေ ကြမ်းတမ်းခက်ထန်မှုနဲ့သိမ်မွေ့မှုတွေ တန်းစီပြည့်နေတဲ့ လူငယ်ဘာဝကို အပြည့်အဝ ရယူလိုကြပါတယ်။

မြန်မာအမျိုးသမီးတွေအနေနဲ့ရော ဘာတွေလိုအပ်ပါသလဲ။ ကုန်ဈေးနှုန်းကြီးမြင့်မှုရဲ့ ဖိစီးမှုဒဏ်ကြောင့် အားပျက်ငြီးငွေ့ လောက်အောင် အိမ်မှုထိန်းသိမ်းနေရတဲ့ ဘဝက လွတ်မြောက်ချင်ကြပါတယ်။ လွတ်လပ်စွာ တွေးတောကြံဆမိလို့ ခင်ပွန်းဖြစ်သူ အပြစ်ပေးအရေးယူခံရမလား ဒါမှမဟုတ် ကလေးတွေများဘဝရဲ့ အခွင့်အလမ်းတွေ ဆုံးပါးသွားမလား ဆိုတဲ့ စိုးရိမ်ကြောင့်ကြမှုတွေက ကင်းလွတ်ချင်ကြပါတယ်။ မိသားစုကို ထောက်ပံ့နိုင်အောင် ခန္ဓာကိုယ်ကို ရင်းနေရတဲ့ ဘဝက လွတ်မြောက်ဖို့ တောင့်တနေကြတဲ့အမျိုးသမီးတွေလည်း တော်တော်များများ အများကြီးကိုရှိပါတယ်။

ကျမ တွေ့ဆုံခဲ့တဲ့ လယ်သမားယာသမားတွေဆိုရင် သူတို့ ဆန္ဒအတိုင်း စိုက်ပျိုးထွန်ယက်ချင်ကြတယ်။ မတော်မတရား ဈေးနှိမ်ခံရပြီး အစိုးရကို မရောင်းမနေရ ခြိမ်းခြောက်ခံရတာမျိုးတွေက ကင်းလွတ်ပြီး သူတို့ထွက်ကုန်တွေကို ကိုယ့်ဆန္ဒ နဲ့ကိုယ် ဈေးကွက်တင်ရောင်းချလိုကြပါတယ်။

သူတို့ဟာ နိစ္စဓူဝ မြေနဲ့ဖက်ပြီး ဘဝကို ရုန်းကန်ရပ်တည်သူတွေပါ။ ဒီလိုကြမ်းတမ်းတဲ့ ဘဝတွေအပေါ်မှာ ကျိုးကြောင်း မဆီလျော်တဲ့ အမိန့်တွေနဲ့ နာလည်ရခက်တဲ့ အာဏာပိုင်တွေကြောင့် နောက်ထပ် ဝန်ထုပ်ဝန်ပိုးမဖြစ်ချင် ကြတော့ပါဘူး။

ဒါနဲ့ အမျိုးသားဒီမိုကရေစီအဖွဲ့ချုပ် အဖွဲ့ ဝင်တွေ ကျမတို့ ရောလို့ မေးစရာရှိပါတယ်။ ဘာလို့ကျမတို့တတွေ တိုင်းပြည် လွတ်မြောက်ဖို့ခက်ခက်ခဲခဲ လုပ်ကိုင်နေပါသလဲ။ ဒီလိုလုပ်ကိုင်နေတာဟာ ဒီမိုကရေစီအပေါ် မရေမရာနဲ့ အကောင်းမြင် မျှော်လင့်ပြီး ထင်ရာလုပ်ကိုင်နေတာ မဟုတ်ပါဘူး။ ဒီမိုကရေစီဆိုတာ သူရဲ့တောက်ပမှုကို ကြာရှည်ထိန်းနိုင်အောင် အမြဲတစေအရောင်တင်ပေးရတဲ့ ရတနာတပါးဖြစ်တယ်ဆိုတာ ကျမတို့သိပါတယ်။ ပျက်စီးဆုံးရှုံးတာ၊ အခိုးခံရတာတွေ မဖြစ်အောင် ကာကွယ်ဖို့ ဒီမိုကရေစီကို မျက်ခြည်မပြတ် စောင့်ကြပ်ကြည့်ရှုနေရပါလိမ့်မယ်။ လွတ်လပ်တဲ့ မြန်မာပြည် ကသာ လူ့ဂုဏ်သိက္ခာကို တန်ဖိုးထားလေးစားတဲ့နိုင်ငံတည်ထောင်နိုင်မှာမို့ လွတ်မြောက်ရေးအတွက်က ကျမတို့တတွေ ပင်ပင်ပန်းပန်းကြိုးစားနေကြတာဖြစ်ပါတယ်။

တိုင်းပြည်တဝန်းလှည့်လည်သွားတဲ့အခါ လူတွေက ကျမ နေအိမ်အကျယ်ချုပ်နဲ့ နေရတဲ့အချိန်တွေမှာ ဘယ်လိုခံစားရ သလဲလို့ မေးကြပါတယ်။ ပထမအကြိမ် ခြောက်နှစ်နဲ့ ဒုတိယအကြိမ် ဆယ်ကိုးလ ကျမနေခဲ့ရပါတယ်။ မိသားစုမိတ်ဆွေ အပေါင်းအသင်းတွေနဲ့ ခွဲခွာပြီး ကျမဘယ်လိုနေခဲ့သလဲပေါ့။ မေးမှမေးကြ ပလေတယ်။ ဒီအာဏာရှင်နိုင်ငံမှာ ယုံကြည် ချက်အတွက် အကျဉ်းချခံရသူကသာ အမှန်တကယ် လွတ်လပ်သူဖြစ်တယ်လို့ ကျမကပြန်ဖြေပါတယ်။ မှန်ပါတယ်။ ကျမတို့ဟာ ကျမတို့ ရဲ့ သာမန်ဘဝလွတ်လပ်ခွင့်တွေကို ပေးဆပ်ထားရတယ်။ ဒါပေမဲ့ လူသားဘဝရဲ့ တန်ဖိုးအရှိဆုံးဖြစ် တဲ့ ယုံကြည်ချက်အမှန်တရားအပေါ် ကျမတို့ ကြံ့ကြံ့ခံရပ်နေခဲ့ကြပါတယ်။ ဒီမှာပြည်သူလူထုအတွက် ကျမအလိုချင်ဆုံး ကတော့ စစ်မှန်တဲ့ လွတ်လပ်ခွင့်ကို အာမခံကာကွယ်ပေးနိုင်ဖို့ နဲ့ အမှန်တကယ် လုံလုံခြုံခြုံကာကွယ် ပေးနိုင်ဖို့အတွက် လွတ်လပ်ခွင့် ပါပဲ။

ကြောက်ရွံ့မှုရဲ့ နုံးချည့်သေးသိမ်စေတဲ့ အနှောင်အဖွဲ့တွေကို ဖယ်ရှားပြီး မြန်မာပြည်သူတွေဟာ လွတ်လပ်တဲ့လူသားတွေ အဖြစ် ခေါင်းမော့ဂုဏ်ယူနိုင်သူတွေ ဖြစ်လာမှာကို ကျမတွေ့မြင်လိုပါတယ်။ ကျမတို့အားလုံးအတွက် ပိုပြီးပျော်ဖို့ကောင်း တဲ့လုံခြုံမှုလည်း ပိုရှိတဲ့လူ့ ဘောင်ဘဝကို တည်ဆောက်ဖို့ စည်းစည်းလုံးလုံး ပျော်ပျော်ရွှင်ရွှင်ကြိုးပမ်းကြတာကို ကျမ တွေ့မြင်လိုပါတယ်။ အထူးသဖြင့် လူငယ်တွေဟာ ကိုယ့်ကိုယ်ကို ယုံကြည်မှုအပြည့်နဲ့ အနာဂတ်ကိုတက်လှမ်းပြိးကြုံလာ ရမဲ့ စိန်ခေါ်မှုအားလုံးကိုရင်ဆိုင်ဖို့ သူတို့ရဲ့တန်ဖိုးရှိတဲ့စိတ်ဓာတ်တွေ မြင့်မားနေတာကို ကျမတွေ့မြင်လိုပါတယ်။ ဒီတိုင်း ပြည်ဟာ ဒီမြေကိုချစ်သူ၊ ဒီမြေမှာနေ၊ ဒီမြေမှာသေခဲ့သူအားလုံးအတွက် ထိုက်တန်တဲ့ တိုင်းပြည်အဖြစ် ဘိုးဘွားအမွေ အနှစ်အတွက် ဂုဏ်ယူရပြီလို့ လည်း ကျမပြောပြချင်ပါတယ်။ ဒါတွေဟာစိတ်ကူးယဉ်အိပ်မက်တွေ မဟုတ်ပါဘူး။

ဒါတွေအားလုံး ပြည်သူလူထုရဲ့ဆန္ဒသာ နောက်ဆုံးမှာ အောင်ပွဲမုချရရမယ် ဆိုတဲ့ခိုင်မာတဲ့ ယုံကြည်မှုနဲ့ ကျမတို့အားလုံး နှစ်နဲ့ချီကြိုးပမ်းလုပ်ဆောင်နေတာတွေရဲ့ ပကတိ ဦးတည်ရာပဲဖြစ်ပါတယ်။

(ဝါရှင်တန်ပို့စ် သတင်းစာနှင့်တွဲထွက်သည့် မတ်လ (၉)ရက်နေ့ထုတ် Parade သတင်းစုံမဂ္ဂဇင်းတွင်မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ရေးသားသည့် All We want is Our Freedom “ လွတ်လပ်မှုကိုပဲ ကျမတို့ လိုချင်တယ် ” ဆောင်းပါးကို ထိုက်သူနိုင် ဘာသာပြန်ဆိုတင်ပြထားသည်။ )

ထိုက်သူနိုင်
http://www.kaowao.org/b/art09-nov13.php