ဒုက္ခရောက်နေသူများအား မကယ်ဘဲ ဒီအတိုင်း ထိုင်ကြည့် 

ကယ်ဆယ်ရေးလုပ်ငန်း အချိန်မှီမလုပ်သဖြင့် လူသေဆုံးမှုများခြင်းဖြစ်သည်ဟု ဒေသခံများပြောဆို
Tuesday, 02 June 2009 00:00 ဉာဏ်မောင်

ဓနုတ်စေတီတော်ပြိုကျရာတွင် အာဏာပိုင်များက ကယ်ဆယ်ရေးလုပ်ငန်းများကို အချိန်မှီမလုပ်ဆောင်သဖြင့် မသေသင့်ဘဲ သေဆုံးရပြီး ဒေသခံများအကြားတွင်လည်း သတင်းမျိုးစုံ ပျံ့နှံ့နေလျှက်ရှိသည်။

စေတီတော်ပြိုကျပြီးနောက် အာဏာပိုင်များက ပြိုကျပျက်စီးသွားသည်များကို ချက်ချင်း ရှင်းလင်းခြင်းမရှိဘဲ ပြန်လည် တူးဖော်ရေးလုပ်ငန်းများကို ယနေ့မှ စတင်လုပ်ဆောင်ခြင်းဖြစ်ကြောင်း မျက်မြင်ဒေသခံတဦးက ပြောသည်။

“ဖြစ်ပြီးကတည်းက ရင်ပြင်တော်ပေါ်မှာ အပျက်စီးတွေကို ဖယ်ရှားတာမလုပ်ဘဲ ရပ်ကြည့်နေတာ၊ လာကြည့်တဲ့သူတွေကို ပြန်ခိုင်းတယ်၊ ည (၈) နာရီကျော်လောက်မှာ မီးသတ်ကားတွေ ကရိန်းကားတွေ ရောက်လာပေမဲ့ ဘာမှ ဆက်မလုပ်သေးဘဲနဲ့ ဒီတိုင်းကြည့်နေတယ်၊ ကျနော်တို့သွားတဲ့အချိန်မှာ မြေပိတဲ့အထဲက တယောက်က ရေပေးပါဆိုပြီး အော်တာ၊ အာဏာပိုင်တွေက ဘာမှမလုပ်ပေးဘူး၊ ဆွဲထုတ်လို့ရရဲ့သားနဲ့ မထုတ်ဖူး” ဟု ပြောသည်။

စေတီပြိုကျချိန်တွင် စေတီပေါ်တွင် ပန်းရံအလုပ်သမား ၈၀ ခန့်ရှိပြီး အောက်ဘက်တွင်လည်း လုပ်အားပေးလုပ်ကိုင်နေသူ ရာနှင့်ချီရှိနေကာ ယခုချိန်ထိ ပန်းရံအဖွဲ့သေဆုံးမှုစာရင်းကို မသိရသေးကြောင်း ၎င်းက ပြောသည်။

“ကျနော်တို့ မြင်တွေ့နေရတာနဲ့ ရေတပ်က စစ်သားတယောက်ပြောတာရောဆို လောလောဆယ်သေတာ ၃၀ ကျော် လောက်ရှိတယ်၊ ပန်းရံအဖွဲ့တခုလုံးလဲ ပျောက်နေတယ်၊ သူတို့က ဒဏ်ရာရတဲ့သူတွေကို ဆေးရုံတွေ ခွဲပြီး ပို့ထားတယ်” ဟု ပြောသည်။

ယခုလက်ရှိ ဒလဆေးရုံတွင် ရေတပ်မှ ဒဏ်ရာရသူများကိုသာ ထားရှိပြီး ကျန်လူနာများကို ပျော်ဘွယ်နှင့် ရန်ကုန်ဆေးရုံကြီးများသို့ ပို့ဆောင်ထားသည်ဟု ပြောသည်။

“ကျနော်တို့ ဒလဆေးရုံမှာ ဘာမှမရှိဘူး၊ ဖြစ်တဲ့နေ့က သေတာ တယောက်ပဲ ရောက်ပါတယ်၊ ကျန်တဲ့သူအားလုံးကို ရန်ကုန်ဆေးရုံကို တက်တဲ့နေ့ကပဲ လွှဲလိုက်တာ” ဟု ဆေးရုံဝန်ထမ်းတဦးက ပြောသည်။

စေတီပြန်လည်တူးဖော်ရေးအတွက် ပျော်ဘွယ်ရဲစခန်းက လုံခြုံရေးတာဝန်ယူပေးထားရပြီး ဒလမြို့နယ် (မယက)က တိုက်ရိုက စီမံနေသည်ဟု နယ်မြေခံ ရဲစခန်းတာဝန်ကျ ဝန်ထမ်းတဦးက ပြောသည်။

“စေတီမှာ ကျနော်တို့စခန်းက အထိုင်တဖွဲ့ ထားတယ်၊ အင်းအားက ၁၀ ယောက်ပါ၊ ဒလစခန်းက မြို့နယ်မှူးလဲ အဲဒီမှာပဲ၊ ပြန်တူးဖော်တာကတော့ ဒီနေ့ သေတာ တယောက်ရတယ်၊ တခြားတော့ ဘာမှမကြားရသေးဘူး” ဟု ပြောသည်။

ယခုကဲ့သို့ စေတီပြိုကျရခြင်းနှင့်ပတ်သက်၍ ဒေသခံပြည်သူများက ဘုရားထီးတင်ရာတွင် သီလသမာဓိရှိသူများ၊ ပင်ကိုယ်စိတ် ဘာသာရေးကိုင်းရှိုင်းသူများသာ ပြုလုပ်ရသည့် အလုပ်မျိုးကို အမျိုးသမီးက ဦးဆောင်လုပ်ခဲ့ခြင်းကြောင့် ဖြစ်သည်ဟု ထင်မြင်ပြောဆိုနေကြကြောင်း မြို့ခံတဦးက ပြောသည်။

စေတီပြိုကျမှုကို မျက်မြင်တဦးက “စနေနေ့ ညနေ (၆) နာရီခွဲလောက်မှာ ထူးထူးခြားခြား စေတီရဲ့ထီးတော်တည့်တည့် ကောင်းကင်မှာ မူလလက်ဟောင်းစေတီပုံ ပေါ်လာတယ်၊ အဲဒီမှာ ထီးမပါဘူး၊ ရွာသားတွေရော၊ ရေတပ်၊ လုပ်အားပေးအဖွဲ့တွေအားလုံး ဖူးလိုက်ရတယ်၊ နေ့လည် (၂) နာရီခွဲလောက်မှာ ထီးတော်က ချိုင့်ဝင်သွားပြီး မီးခိုးတန်းလိုထွက်ပြီးမှ ပြိုတာ၊ (၃) နာရီမှာ ငှက်ပျောဖူးထပ် ပြိုတာ၊ (၃) နာရီ (၁၅) နဲ့ မိနစ် (၂၀) လောက်မှာ ကျန်တဲ့အပိုင်းတွေ အားလုံးပြိုသွားတာ” ဟု ပြောသည်။

ဓနုတ်ရှေးဟောင်းစေတီကို လွန်ခဲ့သည့် နှစ်ပေါင်း ၂၀ ဝန်းကျင်က ဆရာတော် ဦးစန္ဒိမာနှင့် ဒေသခံရွာသားများက မွန်းမံပြင်ဆင်ကိုးကွယ်ခဲ့ပြီး ၂၀၀၆ ခုတွင် စစ်အစိုးရက ထပ်မံပြုပြင်ပြီး ယခုနှစ် မေလ (၇) ရက်နေ့တွင် ဒေါ်ကြိုင်ကြိုင်က ဦးဆောင်ကာ ထီးတော်တင်လှူခဲ့၍ ရက်ပေါင်း ၂၃ ရက်အကြာတွင် ယခုကဲ့သို့ ပြိုကျပျက်စီးခဲ့ခြင်းဖြစ်သည်။

Rest of your post