ဇီးကုန်းမြို့တွင် ဒီမိုကရေစီတပ်လှန့်သံဆိုသည့် လှုံ့ဆော်စာများ ပျံ့နှံ့နေ
Monday, 01 June 2009 21:15 မျိုးကြီး
ပဲခူးတိုင်း၊ ဇီးကုန်းမြို့ပေါ်တွင် လူထုလှုပ်ရှားမှုစာရွက်များ ပျံ့နှံ့နေလျှက်ရှိပြီး ဒေသခံများက အဆိုပါ လှုံဆော်စာအကြောင်းကို စိတ်ဝင်တစား ပြောဆိုနေလျှက်ရှိသည်။
မေလ (၂၇) ရက်နေ့ နေ့စွဲဖြင့် ရေးသားပြီး ဒီမိုကရေစီတပ်လှန့်သံဆိုသည့် ခေါင်းစဉ်ဖြင့် ဇီးကုန်းမြို့ပေါ် ရပ်ကွက် ၅ ခုတွင် ဖြန့်ဝေခဲ့ခြင်းဖြစ်ကြောင်း မြို့ခံတဦးက ပြောသည်။
“စစ်အစိုးရလက်ထက်မှာ ပြည်သူလူထုကို နည်းအမျိုးမျိုးနဲ့ နှိပ်စက်ခံရတာ၊ ဒေါ်အောင်ဆန်းစုကြည်ကို အင်းစိန်ထောင်ပို့ပြီး မတရားအမှုဆင်တရားစွဲတာ၊ လူထုဆန္ဒ အစစ်အမှန်ဖြစ်တဲ့ ရွေဝါရောင်တော်လှန်ရေးအကြောင်း၊ ၂၀၀၈ လူထုဆန္ဒခံယူပွဲ၊ နောက်တော့ ၂၀၁၀ ရွေးကောက်ပွဲကို လက်မခံတာဆိုတဲ့ အကြောင်းတွေ ရေးထားတာ” ဟု သူက ပြောသည်။
အဆိုပါ လှုံဆော်စာနောက်ဆုံးပိုဒ်တွင် စစ်အာဏာရှင်လက်အောက်မှ လွတ်မြောက်ရန်အတွက် အားလုံးတွင် တာဝန်ရှိကြောင်းနှင့် ပြည်သူလူထုတရပ်လုံးအနေဖြင့် ကိုယ့်တာဝန်ကိုယ်သိပြီး သတ္တိရှိရှိ တိုက်ပွဲဝင်ကြဖို့ကို တိုက်တွန်းနှိုးဆော်ထားသည်များကိုလည်း ထည့်သွင်းရေးသားထားကြောင်း သိရသည်။
၎င်းစာကို ကိုယ်တိုင်ဖတ်ရှုလိုက်ရသည့် အမျိုးသမီးတဦးက “အဲဒီစာကို ဒီမနက်မိုးလင်းတော့ သမီးတို့အိမ်ရှေ့မှာ တွေ့တယ်၊ စာရွက်ကို ပလပ်စတစ်နဲ့ ပတ်ထားတယ်၊ အဓိကကတော့ သူတို့လိမ်လည်လုပ်မဲ့ ရွေးကောက်ပွဲကို ပြည်သူလူထုတွေ ခေါင်းထဲထည့်မစဉ်းစားဖို့၊ ဒေါ်အောင်ဆန်းစုကြည်ဟာ အင်းစိန်ထောင်ထဲမှာ စစ်အာဏာရှင်တွေကို တယောက်တည်း ကြံ့ကြံ့ခိုင် ရင်ဆိုင်နေတာဖြစ်လို့ သူနဲ့အတူ ပြည်သူလူထုတွေကလဲ အတူတိုက်ပွဲဝင်ကြဖို့ဆိုပြီး ရေးထားတယ်” ဟု ပြောသည်။
အေဖိုး(A4)စာရွက် တမျက်နှာနီးပါ ရေးသားထားသည့် ၎င်းလှုံ့ဆော်စာတွင် အစစ်အမှန်လူထုအသံ၊ စစ်အာဏာရှင်ဖွဲ့စည်းပုံ ၂၀၀၈ ဖျက်ဆီးပစ်၊ စစ်ဗိုလ်ချုပ်တွေ အုပ်စိုးမဲ့ ၂၀၁၀ အလိုမရှိ၊ တွေ့ဆုံဆွေးနွေးရေး ချက်ချင်းလုပ်၊ ဒေါ်အောင်ဆန်းစုကြည်နဲ့ နိုင်ငံရေးအကျဉ်းသားများ ချက်ချင်းလွှတ်၊ ဒီမိုကရေစီအောင်ရမည်ဟု ကြွေးကြော်သံ ၅ ချက်ကို ထည့်သွင်းရေးသားထားကြောင်း ဆက်ပြောသည်။
“စာထဲမှာရေးထားတာက ပြည်သူထဲက ပြည်သူများဆိုပြီး အောက်မှာ ထည့်ထားတယ်၊ ဘယ်သူတွေဆိုတာ မသိပေမဲ့ စစ်အစိုးရကို မကြိုက်တဲ့ ပြည်သူတွေက ရေးထားတာလို့ပဲ ထင်တယ်” ဟု ၎င်းအမျိုးသမီးက ဆက်ပြောသည်။
ဇီးကုန်းမြို့ပေါ်ရှိ ပြည်သူများအနေဖြင့်လည်း ၎င်းစာကို ဖတ်ရပြီးနောက် စိတ်ဝင်တစား ပြောဆိုနေကြပြီး တမြို့လုံးတွင်လည်း အဆိုပါသတင်း ပျံ့နှံ့နေကြောင်း သူက ဆက်လက်ပြောသည်။
Rest of your post
Thursday, June 4, 2009
ဇီးကုန်းမြို့  ဒီမိုကရေစီတပ်လှန့်သံ
Subscribe to:
Post Comments (Atom)
No comments:
Post a Comment