အမေရိကန်နှင့် အင်ဒိုနီးရှားက ဒေါ်စုကို ပြန်လွှတ်ပေးရန် တောင်းဆို

မုံပီး အင်္ဂါနေ့၊ ဇွန်လ 09 2009 18:38 - မြန်မာစံတော်ချိန်


နယူးဒေလီ (မဇ္ဈိမ)။ ။ လက်ရှိ တရားရုံးတင် စစ်ဆေးနေမှုသည် အခြေအမြစ် မရှိကြောင်း ပြောဆိုလိုက်ပြီး မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကို ပြန်လွှတ်ပေးရန် အမေရိကန် နိုင်ငံခြားရေးဝန်ကြီးက ယမန်နေ့က ထပ်လောင်း ပြောဆို လိုက်သည်။

ဒေါ်အောင်ဆန်းစုကြည်အား စွဲဆိုထားသည့် စွပ်စွဲချက်များသည် အခြေအမြစ်မရှိဟု ထပ်လောင်း ပြောဆိုကြောင်းနှင့် ချက်ချင်း ပြန်လွှတ် ပေးရန် တောင်းဆိုကြောင်း အမေရိကားသို့ အလည်အပတ် ရောက်ရှိနေသော အင်ဒိုနီးရှား နိုင်ငံခြားရေးဝန်ကြီး Noer Hassan Wirajuda နှင့် တွေ့ဆုံအပြီး အမေရိကန် နိုင်ငံခြားရေးဝန်ကြီး ဟီလာရီကလင်တန် က ဝါရှင်တန်တွင် သတင်းထောက်များကို ပြောဆို လိုက်ခြင်း ဖြစ်သည်။

''တခြား အာဆီယံနိုင်ငံတွေလိုပဲ အင်ဒိုနီးရှားနိုင်ငံကလည်း သူမ ခံစားနေရတဲ့ ဆင်းရဲဒုက္ခတွေအကြောင်းကို ထုတ်ဖော်ပြောဆိုနေပါပြီ။ သူမကို လွှတ်ပေးဖို့လည်း တောင်းဆိုနေပါပြီ။ ဒါကို ကျမတို့ အကြီးအကျယ် အသိအမှတ်ပြု ကြိုဆိုပါတယ်'' ဟု မြန်မာနိုင်ငံလည်း အဖွဲ့ဝင် အဖြစ် ပါဝင်သော ၁၀ နိုင်ငံအသင်းချုပ် အာဆီယံအဖွဲ့ကြီးကို ရည်ညွှန်း၍ သူမက ပြောကြားသွားခဲ့သည်။

ဒေါ်အောင်ဆန်းစုကြည်အား ရုံးတင် တရားစွဲဆိုနေမှုကို `ကံအကြောင်းမလှသည့် ဖြစ်ထွန်းတိုးတက်မှု` ဟု သူမက ခေါ်ဆိုလိုက်ပြီးအင်ဒို နီးရှား နိုင်ငံခြားရေးဝန်ကြီး ဝီရာဂျူဒါ ကလည်း ဒေါ်အောင်ဆန်းစုကြည်အား လွှတ်ပေးရေးအတွက် ပြင်းထန်သည့် စကားလုံးများ သုံးစွဲ ထားသည့် ကြေညာချက်တစောင်ကို အင်ဒိုနီးရှားနိုင်ငံကထုတ်ပြန်ထားပြီးဖြစ်ကြောင်းဖြင့် သတင်းထောက်များကို ပြောကြားသွားခဲ့သည်။

''ဒီဟာက တကယ့်ကို ကံအကြောင်းမလှတဲ့ ဖြစ်ထွန်းတိုးတက်မှုပါ။ ဒေါ်အောင်ဆန်းစုကြည်ကို ထိန်းသိမ်းထားတဲ့ ကိစ္စကို လွန်ခဲ့တဲ့လက ပြန်လည်သုံးသပ်ပြီး ပြန်လွှတ်လိမ့်မယ်လို့ ထင်ထားခဲ့တာပါ'' ဟု ဝါရာဂျူးဒါးက ပြောသည်။

''အာဆီယံ ပဋိဉာဉ်စာတမ်းသစ်အရနဲ့ ကျနော်တို့ရဲ့ ခေါင်းဆောင်တွေ အရင် အကြိမ်တွေက အလားတူ တောင်းဆိုခဲ့ဖူးသလိုပဲ။ ဒေါ်အောင်ဆန်းစုကြည်ကို ချက်ချင်း လွှတ်ပေးဖို့ မြန်မာနိုင်ငံမှာ တာဝန်ရှိတယ်ဆိုတာ ကျနော်တို့ သတိပေးလိုပါတယ်'' ဟု သူက ပြောသည်။

အာဆီယံ အဖွဲ့ဝင်နိုင်ငံများသည် အဖွဲ့ဝင်နိုင်ငံများ၏ ပြည်တွင်းရေးကို ဝင်ရောက်မစွက်ဖက်သည့် အစဉ်အလာကို ထိန်းသိမ်းထား လေ့ရှိကြသည်။ သို့သော် မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ကို ဆက်လက်၍ ရုံးတင်စစ်ဆေးနေသည့် ကိစ္စအ ပေါ်တွင် `အလွန်စိုးရိမ်ပူပန်ကြောင်း` ကြေညာချက်များ အာဆီယံအဖွဲ့ကြီးက ထုတ်ပြန်လာရသည်အထိ ဖြစ်ပေါ်လာစေခဲ့သည်။

ဝါရာဂျူဒါက အမေရိကန်၏ မြန်မာနိုင်ငံအပေါ် ပိတ်ဆို့အရေးယူထားမှုကို ထုတ်ဖော်ပြောဆိုသွားခြင်း မပြုသော်လည်း Carnegie Endowment for International Peace ၌ အစောပိုင်းက ပြောကြားခဲ့သော မိန့်ခွန်းတွင်မူ ပြင်းထန်သော ပိတ်ဆို့အရေးယူမှုများသည် မြန်မာပြည်သူများအား ပိုမို၍ ဆင်းရဲဒုက္ခရောက်စေကြောင်း ပြောကြားသွားသည်။

မြန်မာပြည်သူများ၏ ဆင်းရဲဒုက္ခ လျော့ပါးသက်သာစေရေးအတွက် ပိတ်ဆို့အရေးယူထားမှုများကို ရုပ်သိမ်း၍ မြန်မာနိုင်ငံနှင့် ပိုမိုနီးစပ် သော ဆက်ဆံရေးတရပ် ထူထောင်ထားရှိပါရန် ကမ္ဘာ့နိုင်ငံများကို သူက တိုက်တွန်းတောင်းဆိုသွားသည်။

ဖေဖော်ဝါရီလအတွင်း အင်ဒိုနီးရှားသို့ သွားရောက်ခဲ့သော ခရီးစဉ်အတွင်း မြန်မာစစ်အစိုးရအပေါ် အမေရိကန်နိုင်ငံ၏ ပိတ်ဆို့အရေးယူ မှုများ သည် လိုချင်သော ရလဒ်ကို ရယူပေးနိုင်ခြင်း မရှိခဲ့သလို၊ အပြုသဘော ဆက်ဆံရေးမူဝါဒမှာလည်း မအောင်မြင်ခဲ့ကြောင်းနှင့် အမေရိကန်သည် မြန်မာနိုင်ငံဆိုင်ရာ မူဝါဒကို ပြန်လည်သုံးသပ်နေကြောင်း အမေရိကန် နိုင်ငံခြားရေးဝန်ကြီးက ပြောဆိုခဲ့သေးသည်။