မြန်မာပြည်ကာကွယ်မည် တပ်မတော်ညာနေသည်

ကိုယ်ပေါင်ကိုယ်လှန် ထောင်းရမည့်အဖြစ်။ မတတ်နိုင်။ ပြောရေးရှိကပြောရမည်။ သည်နေ့ အလုပ်ခွင်ထဲ၌ မထင်မှတ်ပဲ အရှက်ကွဲ ရသည့်အဖြစ်။ ဘာမှကိ်ု ပြန်မပြောနိုင်။ ၀မထင်ခဲ့။ ကျွန်တော် မသတ်ချင်သော၊ မပတ်သက်ခဲ့သော စစ်တပ်နှင့် ပတ်သက်၍ ကျွန်တော် အရှက်ကွဲရလိမ့်မည်ဟု ဘယ်တုန်းကမျှ စိတ်ထဲမတွေးခဲ့ဘူးပါ။ သို့သော်တကယ် ပင် ပက်ပက်စက်စက် အရှက်ကွဲခဲ့ပါသည်။
စင်ကာပူနိုင်ငံတွင် ဘင်္ဂလားလူမျိုးများသည် အောက်ခြေသိမ်း အလုပ်သမားများသာ လုပ်ကြရသည်ကို လူတိုင်းသိပါသည်။ ကျွန်တော်လုပ်ရသော အလုပ်တွင်လည်း ဘင်္ဂလားများရှိသည်။ ကျွန်တော့်လက်အောက် အလုပ်သမားများ၊ ကျွန်တော်ခိုင်းသမျှ လုပ်ပေးကြသူများ။ သူတို့နှင့် ကျွန်တော်ခင်ပါသည်။ ယခုပြောမည့် ကိစ္စမှာလည်း ဘင်္ဂလားမုန်းတီးရေး ကိစ္စမဟုတ်။ မြန်မာစစ်တပ်၏ လုပ်ရပ်နှင့် စွမ်းရည်ကို ဝေဖန်လိုသောကြောင့်ဖြစ်ပါသည်။

ထိုနေ့ ညနေပိုင်း အလုပ်သမားများ လက်ဖက်ရည်သောက်ချိန်တွင် စကားမမြည်း ပြောဖြစ်ကြသည်။ ပြောနေရင်း လွန်ခဲ့သော လပိုင်းများက မြန်မာစစ်တပ် နှင့် ဘင်္ဂလားစစ်တပ် ဓာတ်ငွေ့ကိစ္စနှင့် ပတ်သက်ပြီး ရင်ဆိုင်တွေ့ကြသည့် အကြောင်းရောက်သွားသည်။ ကျွန်တော်က နားထောင်သည့် အကျင့်သာများသူဖြစ်သည့် အလျှောက် သူပြောသမျှ အလိုက်သင့် နားထောင်နေမိသည်။

"ဟိုတလောက ဘင်္ဂလားစစ်တပ်နှင့် မြန်မာစစ်တပ် ချမလိုဖြစ်ကြတယ်။ ဘင်္ဂလားနယ်မြေထဲမှာ ဓာတ်ငွေ့လာခိုးလို့လေ။ ဘင်္ဂလားစစ်တပ်က ဒီနေ့ပြန်သွား မပြန်ရင် ချမှာဆိုပြီး။ စစ်သင်္ဘောတွေလွတ်လိုက်တော့ မြန်မာစစ်တပ် နောက်ဆုတ်သွားတာ။ ဘင်္ဂလားစစ်တပ်က အင်အားကြီးတယ်။ မြန်မာစစ်တပ်လောက်မကဘူး။ စွမ်းအားရှိတယ်လေ"
ရုတ်တရက် ကျွန်တော်ငိုင်သွားသည်။ တကယ်လည်း မြန်မာစစ်တပ်ပြန်ဆုတ်ပြေးခဲ့သည်။ လေသံမာမာပင် မပြောခဲ့ဟု ထင်ပါသည်။ အဖြစ်ခဲ့ ထိုသို့ဖြစ်ခဲ့သည်။ ကျွန်တော်မည်သည့် ဆင်ခြေဖြင့် ပြန်ပြောရမှန်းမသိ။ အမှန်ကိုတော့ လက်ခံရမည့် အဖြစ်။ သူက သူ့ဘင်္ဂလား စစ်တပ်အတွက် ဂုဏ်ယူစွာပြောသွားသည်။ သူသည် မြန်မာတို့ကို မုန်းသူမဟုတ်။ အဖြစ်က သူ့ခွေးနှင့် ကျွန်တော့ခွေးပြိုင်ကိုက်ရာ ကျွန်တော့်ခွေး ကြောက်၍ ပြေးသည်ကို မြင်သောအခါ သူ့ခွေးက သာကြောင်းပြောသလောက်သာ။ ကျွန်တော်သည် လူသားတစ်ယောက်။ မြန်မာနိုင်ငံသား။ မြန်မာအတွက် ဂုဏ်ယူလိုပါသည်။ သို့သော် ထိုအချိန်တွင် ကျွန်တော်တကယ်ရှက်သွားသည် မြန်မာစစ်တပ်၏ အခြောက်ဆန်သော လုပ်ရပ်ကြောင့်။

ထပ်စဉ်းစားသည်။ မြန်မာစစ်တပ်သည် မြန်မာပြည်ကို အမှန်ကာကွယ်နိုင်ပါသလား။ လေလုံးထွားတာလား။

သမိုင်းတွင်သင်ခဲ့ရဘူးသည်။ မြန်မာနိုင်ငံ ဗြိတိသျှလက်အောက် ကျရောက်သည်မှာ

(၁) ခေတ်နောက်ပြန်ဆွဲခြင်း
(၂) ပဒေသရာဇ်စနစ်ကို အသက်သွင်းခြင်း
(၃) ခေတ်မီလက်နက်များမတတ်ဆင်နိုင်ခြင်း
ကြောင့်ဟု ….လွန်ခဲ့သော အနှစ် ၆၀ ကျော်က ဒုတိယ ကမ္ဘာစစ်ကို ခဏသွားကြည့်ကြမည်။ ထိုအချိန်က ဂျပန် လေယာဉ်၊ သေနတ်၊ အမြောက်၊ သင်္ဘော ကိုယ်တိုင်လုပ်၍ တိုက်ခဲ့သည်။ ဂျာမနီ ကိုယ်ပိုင် ဒုံးကျည်များဖြင့်တိုက်ခဲ့သည်။ သို့သော် သူတို့ စစ်ရှုံးခဲ့သည်။ ဘာ့ကြောင့်နည်း …

ယခုမြန်မာ ..လေယာဉ် ကိုယ်တိုင်မလုပ်တတ်ပါ။ သင်္ဘော အင်ဂျင်ပင် ကောင်းကောင်း မလုပ်နိုင်သေးပါ။ တာဝေးပစ်ဒုံပျံများ … စသည် …စသည် … သူများထံမှ ၀ယ်ယူထားသည်များကို မပြောပါနှင့်။ ရောင်းသူများက သေနတ်ကိုင် နိုင်၍ လေးခွလောက် အဆင့်ကို ရောင်းခြင်းဖြစ်ပါသည်။ ဤတပ်မတော်သည် အမှန် တိုင်းပြည်၏ ရန်စွယ်ကို ကာကွယ်ရန် အင်အားရှိပါ၏ လော။ အီရတ်ကို အမေရိကန် ၀င် တိုက်စဉ်က ရွာများမြို့များတွင် ပြည်သူ့စစ် သင်တန်းများပေးသည်ကို သတိရသည်။
တကယ်တိုက်ကြမယ်လည်း ဆိုရော။ ပြည်သူက အမိလား။ ပြည်သူက အဖလား။ ပြည်သူကို လာအားကိုးပြီ။ ပြည်သူကို ချနင်းတော့မည်။ သေကြပစေပြည်သူ။ သတ်ကြပစေပြည်သူလား။ လခစား။ တိုင်းပြည်ရတနာ သယံဇာတတွေစားတော့ သူတို့။ ချဖို့လည်းရောက်ရော။ ပြည်သူကို မြှောက်။ လေးခွလောက်ရှိသည့် သေနတ်နှင့် စစ်ဖက်ပြိုင်ပြီး တိုက်ခိုင်းသည်။
မိုက်ရိုင်းလိုက်သည့် သူများ။ အသံထက်မြန်သော လေယာဉ်ကို ရိုင်ဖယ်နှင့် ပစ်ချ၍မရ။ တူမီးသေနတ်ဖြင့် မပစ်နိုင်။ မြန်မာစစ်တပ် လေယာဉ် ဘယ်နှစ်စင်းရှိသနည်း။ ရှိသည့် လေယာဉ်များ ပျက်ပြီဟု ထားပါ။
အဘယ်မြန်မာ လေယာဉ်စက်ရုံက ထုတ်ပေးပါမည်နည်း။ သူတစ်ပါး လေယာဉ်ကိုရောပစ်ချနိုင်ပါ့မလား။
အီရတ်သည် ရေနံဖြင့် ကြွယ်ဝသည့်နိုင်ငံဖြစ်ကြောင်း လူတိုင်းသိသည်။ အမေရိကန်ဝင်တိုက်တော့ လေယာဉ်တစ်စင်းပင် ကျအောင် မပစ်ချနိုင်။ တင့်ကားတစ်စီပင် ကွဲအောင် မဖျက်နိုင်။ နည်းပညာ၏ အစွမ်း။

ယခုခေတ် ကိုလိုနီခေတ်ကုန်သွား၍သာ ကံကောင်းသည်။ မဟုတ်လျှင် မြန်မာတွေ သမိုင်းကောက်ချက် ပြန်ရေးရဦးမည် …

၂၀၀၈ ခုနှစ်တွင် မြန်မာနိုင်ငံ တိုင်းတစ်ပါးအောက် ကျရောက်သည်မှာ
(၁) ခေတ်နောက်ပြန်ဆွဲခြင်း
(၂) ပဒေသရာဇ်စနစ်ကို အသက်သွင်းခြင်း
(၃) ခေတ်မီလက်နက်များမတတ်ဆင်နိုင်ခြင်း
ကြောင့် ဟု ….
ကဲခုမြန်မာစစ်ဗိုလ်ချုပ်ကြီးများလုပ်ပုံ … ဘင်္ဂလားကုလားလေးကပင် ဟား နေပြီ။ မြန်မာစစ်တပ်သည်။

အလကား။ သတ္တိမရှိ စွမ်းရည်မရှိဟု။ ၂ နိုင်ငံစစ်ဖြစ်စေလို၍ ဤစာကို ရေးသည်မဟုတ်။ တကယ် မကာကွယ်နိုင်သော တပ်မတော်၏ ဖြီးလုံးညာလုံးကို တင်ပြလိုရင်သာ။ ကျွန်တော် ပြောလိုက်ချင်သည်။
"မြန်မာပြည် ကာကွယ်မည် တပ်မတော်ညာနေသည်" ဟု။
.\.
မယုံကြည်သူ