Tuesday, 27 January 2009
ရေနံချောင်းမြို့နယ်အတွင်း မီးလောင်မှုဖြစ်ပွားရာ သက်ဆိုင်ရာမီးသတ်ဌာနက အချိန်မှီ ငြိမ်းသတ်နိုင်ခဲ့ခြင်းမရှိသည့်အတွက် အဆုံးအရှုံးများပြားခဲ့ကြောင်း ဒေသခံများက ပြောသည်။
ပြီးခဲ့သည့် သောကြာနေ့ညက ရေနံချောင်းမြို့နယ်၊ လေးတိုင်စင်ကျေးရွာတွင် စိတ်ရောဂါဝေဒနာရှင်တဦး ရှို့လိုက်သည့်မီးကြောင့်
အိမ်ခြေ နှစ်ရာနီးပါး ဆုံးရှုံးသွားခဲ့ရပြီး ရေနံချောင်းမြို့နယ် မီးသတ်က ထိထိရောက်ရောက် လုပ်ဆောင်ခြင်းမရှိသည့်အတွက် ယခုကဲ့သို့ ဆုံးရှုံးရခြင်းဖြစ်ကြောင်း ဒေသခံရွာသားတဦးက ပြောသည်။
“ည (၇) နာရီလောက်မှာ ဖြစ်တာ၊ မီးလောင်တော့ မီးသတ်ကားက သွားမငြိမ်းဘူး၊ တကယ်လို့ သွားမယ်ဆိုရင်ရတယ်၊ စက်နဲ့ငြိမ်းလို့ရတဲ့ကားက မသွားဘဲ ရေဘောက်ဆာလေးပဲ သွားတဲ့အခါကျတော့ မီးက မနိုင်ဘူးဖြစ်တာ၊ ရှို့သွားတဲ့လူကိုတော့ ဖမ်းလို့မိလိုက်တယ်” ဟု ပြောသည်။
မီးလောက်ခံလိုက်ရသည့် အိမ်ခြေအရေအတွက်မှာ (၁၇၅) အိမ်ဖြစ်ပြီး အဆိုပါအိမ်များတွင် နွားတင်းကုတ်များအပါအဝင် လှောင်ထားသည့် ပဲ၊ နှမ်းများပါ ဆုံးရှုံးသွားကြောင်း အဆိုပါရွာသားက ဆက်ပြောသည်။
“အဲဒီအိမ်တွေက အိမ်ကြီးအိမ်ကောင်းတွေချည်းပဲ၊ နွားတင်ကုတ်တွေက တအိမ်ကို နှစ်လုံးလောက်ကို ရှိတာ၊ ပဲတွေ နှမ်းတွေ ဈေးမကောင်းတော့ မရောင်းရသေးဘဲ သိမ်းထားတာတွေကရှိတော့ ကာလပေါက်ဈေးနဲ့ဆိုရင် တော်တော်ကို ဆုံးရှုံးသွားတာ၊ လောလောဆယ်တော့ မတွက်ရသေးဘူး” ဟု ပြောသည်။
ယခုလက်ရှိ မီးဘေးဒုက္ခသည်များကို ရေနံချောင်းမြို့ပေါ်မှ ထမင်းထုပ်များ ပို့ပေးနေရပြီး အာဏာပိုင်များက မီးလောင်သွားသည့်နေရာတွင် ပြန်လည်နေထိုင်ခွင့်မပေးဘဲ ရပ်ကွက်အသစ်ပြန်ရိုက်ပေးမည်ဟု ဆိုသည်။
မြန်မာနိုင်ငံတွင် မကြာခဏ မီးလောင်းမှုများဖြစ်ပွားနေသော်လည်း သက်ဆိုင်ရာ မီးသတ်တပ်ဖွဲ့က အချိန်မှီ မီးငြိမ်းသတ်နိုင်ခြင်းမရှိသည့်အတွက် ဒေသခံပြည်သူများမှာ ဆုံးရှုံးမှုများနှင့်သာ ရင်ဆိုင်နေရကြောင်း ဒေသခံများက ပြောဆိုနေလျှက်ရှိသည်။
Tuesday, January 27, 2009
မီးသတ်အဖွဲ့ရဲ့အားနည်းချက်ကြောင့် အဆုံးအရှုံးများပြား
Subscribe to:
Post Comments (Atom)
No comments:
Post a Comment